Кітайская вайсковая разведка ўсталёўвала шпіёнскія мікрачыпы ў матчыны платы, якія пастаўляліся для абсталявання амерыканскіх кампаній. Яны выкарыстоўваліся для шпіянажу і атрымання аддаленага доступу да памяці камп'ютара, паведамляе Bloomberg.
Разведвальная служба Кітая ўмешвалася ў вытворчасць матчыных плат з дапамогай пагроз, допытаў і хабараў. Чыпы размяшчалі побач з кантролерам, каб атрымаць доступ да кіравання камп'ютарам, а таксама звязвацца з іншымі ўзламанымі прыладамі.
Упершыню ўмяшанне кітайскіх мікрачыпаў выявілі ў 2015 годзе. Паводле крыніц, амерыканская выведка шмат гадоў правярала кітайскую тэхніку на наяўнасць прылад, якія праслухоўваюць. Знаходкі выявілі ў офісах Amazon і Apple. Абедзве кампаніі, як і Super Micro Computer Inc., адмаўляюць гэтую інфармацыю.
