Цела журналісткі Вікторыі Марынавай са слядамі ўдараў па галаве і задушэння знайшлі ў парку. У сваёй апошняй праграме яна распавядала пра карупцыйны схемы, якія раскрылі яе калегі.
Si chiamava #VictoriaMarinova
— Vittorio di Trapani (@vditrapani) 7 октября 2018 г.
Era una giornalista investigativa bulgara.
È stata stuprata e assassinata.
Aveva mandato in onda una inchiesta sull'uso dei fondi europei.
In meno di 2 anni è la quarta giornalista uccisa in Europa: #KimWall , #DaphneCaruanaGalizia , #JanKuciak . pic.twitter.com/c0hKvTGBvg
Цела 30-гадовай Вікторыі Марынавай знайшлі ў нядзелю. У жанчыны забралі тэлефон, ключы ад машыны і акуляры. Яна была часткова распранутая і, як высветліла следства, згвалтаваная.
Паводле слоў прэм'ер-міністра Балгарыі Бойка Барысава, у следства шмат доказаў. Затрыманне злачынцы, заявіў ён, — пытанне часу.
Следства адпрацоўвае ўсе версіі, уключаючы і звязаныя з журналісцкай працай Марынавай. Міжнародныя арганізацыі запатрабавалі ад уладаў як мага хутчэй пакараць вінаватых.
«Шакаваны жахлівым забойствам журналісткі Вікторыі Марынавай у Балгарыі», — напісаў у твітары прадстаўнік АБСЕ па свабодзе СМІ Арлем Дэзір.
Ён дадаў імя Марынавай у спіс вядомых журналістаў, забітых у ЕС з пачатку 2017 года. Цяпер у гэтым спісе чатыры імені.
Марынава была вядучай праграмы «Дэтэктар» на балгарскім тэлеканале TVN. Яна асвятляла тэму карупцыі і распавядала пра злоўжыванні пры рэалізацыі праектаў, што фінансуюцца ЕС.
Гасцямі апошняй праграмы Марынавай былі журналісты Дзімітар Стаянаў і Атыла Біра, якія за некалькі дзён да гэтага, як яны сцвярджаюць, сталі сведкамі масавага вывазу і знішчэння дакументаў з офісаў кампаніі-кансультанта, якая спецыялізуецца на выбары падрадчыкаў для рэалізацыі еўрапейскіх праектаў.
10 верасня балгарскае выданне «Буйвал», дзе працавалі Стаянаў і Біра, у рамках серыі журналісцкіх расследаванняў, якія фінансуюцца ЕС, апублікавала матэрыял аб карупцыйных схемах, у якіх, як сцвярджалася, удзельнічалі мясцовыя бізнесмены, палітыкі і нават, як было сказана, расейскія алігархі.
Журналісты сцвярджаюць, што ў цэнтры схемы — кансультацыйная кампанія, якая знаходзіць падрадчыкаў для інвестыцыйных праектаў Еўрасаюза ў Балгарыі.
Цяпер чытаюць
«Думаеце, я гэты пашпарт дома не шукала?» Вольга Сямашка пракаментавала сітуацыю з дакументам прыкрыцця свайго мужа10
Каментары