08.10.2018 / 11:16

Пацяплее ўжо ў сераду. І амаль без дажджоў

Фота Юліі Міцкевіч

Сіноптыкі абяцаюць на тыдні цёплае і ў асноўным без ападкаў надвор'е. Уплыў на надвор'е будуць аказваць антыцыклоны. Тэмпературны фон чакаецца на 2-6°С вышэйшы за кліматычную норму, паведамілі TUT.BY у Белгідрамеце Мінпрыроды.

У аўторак, 9 кастрычніка, умовы надвор'я будзе вызначаць вобласць павышанага ціску, з ростам атмасфернага ціску аблокаў стане менш, і паветра ў дзённыя гадзіны пачне прагравацца. Будзе пераважна без ападкаў. Ноччу - 1 … 7°C, месцамі замаразкі да 0 … -3°С, днём - + 10 … 16°С.

У сераду, 10 кастрычніка, ноччу - + 1 … 8°С, на тарфяніках Палесся на глебе месцамі слабыя замаразкі да 0 … -2°С, максімальная тэмпература днём - + 13 … 19°С.

У чацвер, 11 кастрычніка, будзе пераважна без ападкаў. Максімальная тэмпература днём будзе знаходзіцца ў межах ад +13°С па паўночным усходзе да +20°С па паўднёвым захадзе краіны.

У пятніцу і выходныя будзе пераважна без ападкаў. Ноччу і раніцай месцамі туман. Тэмпература паветра мінімальная ноччу - + 3 … 8°С, максімальная тэмпература днём - + 13 … 20°С.

Каб пакінуць каментар, калі ласка, актывуйце JavaScript у наладах свайго браўзеру