09.10.2018 / 17:13

Кірыл Стаселька выдае новы раман — можна пакідаць перадзамовы 4

Выдавецтва «Галіяфы» пачало падрыхтоўку выдання новага рамана Кірыла Стаселькі «Дзевяць жыццяў Віта Морэ».

З гэтай нагоды пачаўся збор сродкаў на выданне кнігі праз Талаку — платформу, якая дазваляе выдавецтву сфарміраваць папярэдні спіс замоваў, а чытачам атрымаць кнігу наўпрост ад выдавецтва па значна меншым кошце, чым у кнігарнях.

На платформе Талака кожны можа падтрымаць праект ды зрабіць перадзамову кнігі.

«Дзевяць жыццяў Віта Морэ» — захапляльны, непрадказальны, эксперыментальны твор, які гарманічна сумяшчае розныя літаратурныя жанры і філасофскія канцэпцыі ў адно цэлае. Чытач акунецца ў шэраг гістарычных перыядаў і падзей, кантынентаў і краін ад Беларусі да Егіпта, вялікіх твораў ад Дантэ да Кафкі, ідэй і канцэпцый ад ніцшэанства да прагматызму.

«Дзевяць жыццяў Віта Морэ» — не столькі літаратурны тэкст, размова аўтара з чытачом, колькі дыялог чытача з самім сабой і ўласным унутраным светам. Віта Морэ — не проста галоўны герой, канкрэтная асоба, але вобраз, прататып, які, з аднаго боку, яднае нас, а з іншага — выяўляе нашу рознасць і ўнікальнасць, выяўляе нашы памкненні, страхі, чаканні і матывы.

Папярэднія кнігі аўтара — «Дзіцячы маніфест»  і «Marginalis» — уваходзілі ў спісы шэрагу літаратурных прэмій. У прыватнасці, «Дзіцячы маніфест» увайшоў у шорт-ліст Прэміі імя Максіма Багдановіча і лонг-ліст Прэміі імя Ежы Гедройца. Раман «Marginalis» некалькі гадоў уваходзіў у спісы бестселераў, у тым ліку крамы oz.by.

Падрабязней тут

2
Андрэй Ляховіч / Адказаць
09.10.2018 / 18:50
Мае віншаваньні аўтару!
2
Маладзечанскі / Адказаць
09.10.2018 / 18:56
Сябры, якія бестсэлеры, якія прэміі?))) хіба грамафон году)))? Пісаць, канешне, ніхто не забараняе, але ж навошта дыферамбы спяваць пасрэднасцям?
3
Vadzim / Адказаць
09.10.2018 / 20:43
Marginalis - вельмі захапляльны раман.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру