12.10.2018 / 16:32

Віктар Алксніс: Лукашэнка загнаны ў кут. Расія хоча яго спісаць 52

Віктар Алксніс. Фота: Wikimedia Commons.

Былы дэпутат расійскай Дзярждумы Віктар Алксніс у інтэрв'ю выданню «Свободная пресса» прааналізаваў выказванне Аляксандра Лукашэнкі пра гатоўнасць раздаць сем мільёнаў адзінак зброі на выпадак ваеннага канфлікту, а таксама цяперашні стан беларуска-расійскіх адносін.

На думку палітыка, абедзве краіны вінаватыя ў пагаршэнні адносін, але віна Расіі — большая.

Адной з праблем было тое, што ў Пуціна і Лукашэнкі не склаліся асабістыя адносіны:

«Калі я быў у першай палове 2000-х дэпутатам Дзярждумы, магу сцвярджаць: проста адчувалася, што Пуцін вельмі не любіць Лукашэнку. Адпаведна, беларускі лідар пачаў рабіць тое самае».

Былы дэпутат прызнае, што Саюзная дзяржава фактычна перастала існаваць.

Крытыкуе Алксніс і былога пасла Расіі Сурыкава, які, на яго думку, «займаўся невядома чым».

І паколькі з кожным годам асабістыя адносіны Пуціна і Лукашэнкі толькі горшалі, беларускі лідар пачаў усведамляць, што з'яўляецца лішнім. І адпаведна пачаў паступова праводзіць палітыку, накіраваную на сыход са сферы ўплыву Расіі, лічыць былы дэпутат Дзярждумы:

«Яшчэ 10 гадоў таму Лукашэнка мог разлічваць на падтрымку Расіі — палітычную, эканамічную, на міжнароднай арэне. Але па меры пагаршэння адносін гэтая падтрымка скарачалася. А цяпер Масква вырашыла і зусім спісаць Лукашэнку — знайсці яму замену».

Лукашэнка выдатна разумее, што застаўся адзін, лічыць Алксніс. І што ён можа разлічваць толькі на падтрымку ўнутры Беларусі.

Палітык звяртае ўвагу на тое, што Беларусь у гады вайны была партызанскім краем, і беларусы вельмі ўмела ваявалі супраць вермахта:

«Так што цяперашняе пасланне Лукашэнкі, без сумневу, намякае пра тыя часы, і адрасавана менавіта Расіі, а не Захаду».

Такія выбрыкі ў бок Расіі сведчаць аб тым, што Лукашэнка загнаны ў кут, лічыць былы дэпутат.

На яго думку, прызначэнне паслом Міхаіла Бабіча сведчыць, што Масква рыхтуецца калі не да сілавога варыянту рашэння беларускай праблемы, то да варыянту закручвання гаек.

ММ

2
Анатоль Сідарэвіч / Адказаць
12.10.2018 / 16:53
Лукашэнка не загнаны ў кут, ён сам сябе ў кут паставіў. Пісаў я колісь, што не трэба гуляць у візантыйскія гульні з Масквой, бо можна дагуляцца... 
6
самый Серый / Адказаць
12.10.2018 / 16:57
какая партизанщина? вы о чем? здесь у большей части населения вата в голове! ...причем российского производства
2
Воля i доля / Адказаць
12.10.2018 / 16:58
И что он может рассчитывать только на поддержку внутри Беларуси.


https://nn.by/?c=ar&i=217342&lang=ru

После введения в силу декретов №3 и №1 я считаю, поддержки, не видать как собственных ушей. Но это лишь только малая толика, того, что было сделано во-вред народу и без того бедного и многострадального, как в моральном, так и в материальном плане. Теперь искать поддержку бессмысленно, даже если декрет №1 будет отменён также как и №3 и пламенные речи о "тунеядцах" тихо умолкнут. Слишком уже много бед у людей с нищенскими зарплатами и пенсиями, с попыткой выжить, слишком много молодых и умных просто срываются и бегут за рубеж в поисках элементарной человеческой жизни.

Поэтому "7 млн. под ружье" это просто вопли. Думать надо было 2 апреля 1996 года, а народу надо было думать, а не "голосовать сердцем" или задницей вместо мозгов в 1994-м. 
Паказаць усе каментары/ 52 /
Каб пакінуць каментар, калі ласка, актывуйце JavaScript у наладах свайго браўзеру