Аляксандр Лукашэнка павіншаваў Мітрапаліта Філарэта, Ганаровага Патрыяршага экзарха ўсёй Беларусі з 40-годдзем з дня прызначэння на Мінска-Беларускую кафедру. Пра гэта БЕЛТА паведамілі ў прэс-службе кіраўніка дзяржавы.
«Многія гады сілай маральнага аўтарытэту Вы дапамагалі аб'ядноўваць людзей з рознымі думкамі і памкненнямі, знаходзіць правільныя рашэнні ў складаных сітуацыях. Дзякуючы Вашай дзейнасці хрысціяне Беларусі давяраюць Праваслаўнай царкве як апоры духоўнасці і высокіх маральных каштоўнасцяў», — гаворыцца ў віншаванні.
Ён адзначыў, што адданасць мітрапаліта Філарэта ідэалам любові і міласэрнасці з'яўляецца яркім прыкладам таго, як намаганні аднаго чалавека здольныя наблізіць грамадства да дасканаласці і напоўніць душы людзей любоўю і дабром. «Упэўнены, што Вашы веды, мудрасць і малітоўная падтрымка будуць і надалей дапамагаць людзям у пошуку дакладнага шляху, спрыяць умацаванню аўтарытэту Беларускай праваслаўнай царквы», - падкрэсліў Аляксандр Лукашэнка.
