11.10.2018 / 11:17

Нямеччына выдала Бельгіі іранскага дыпламата, Тэгеран выклікаў нямецкага амбасадара 1

Фота dw.com.

Іранскія ўлады заявілі, што выклікалі нямецкага пасла ў Тэгеране праз выдачу Берлінам Бельгіі іранскага дыпламата, які падазраецца ў датычнасьці да планавання тэракту.

Пра гэта паведамляе RTBF.

«Амбасадар Нямеччыны ў Тэгеране быў выкліканы для выражэння пратэсту супраць экстрадыцыі аднаго з нашых дыпламатаў у Бельгіі», — заявіў прэс-сакратар МЗС Ірана Бахрам Гасемі.

Ён назваў перадачу іранскага дыпламата Асадолы Асада Бельгіі «змовай ворагаў Ірана, накіраванай супраць еўрапейска-іранскіх адносін», і заклікаў неадкладна яго вызваліць.

Арышт Асада адбыўся пасля таго, як у Бельгіі была затрымана пара з іранскімі каранямі. У затрыманых знайшлі неабходнае для вырабу бомбы абсталяванне, 500 грамаў выбуховага рэчыва TATP і выбухоўнікі. Ім прад'яўленыя абвінавачванні ў спробе тэрарыстычнага забойства і ў падрыхтоўцы тэрарыстычнага злачынства.

Тэгеран сцвярджае, што не мае дачынення да справы.

Друкуецца ў межах спецыяльнай рубрыкі «Навіны Германіі»

0
выхода нет. есть только лысая резина... / Адказаць
11.10.2018 / 15:48
всё правильно ! Перед Законом все равны ! также и любители ислама.
Каб пакінуць каментар, калі ласка, актывуйце JavaScript у наладах свайго браўзеру