@roscosmos
Падчас старту ракеты «Саюз» з касмадрома Байканур адбылося пазаштатнае адключэнне рухавікоў носьбіта. Новы экіпаж Міжнароднай касмічнай станцыі (МКС) здзейсніў аварыйнае прызямленне ў Казахстане, піша ria.ru.
Аварыя адбылася на 119-й секундзе пры аддзяленні бакавых блокаў першай ступені ад цэнтральнага блока другой ступені. Затым спрацаваў аварыйны маяк, карабель падзяліўся на адсекі і выпусціў парашут.
На борце «Саюза МС-10» знаходзіліся члены місіі МКС-57/58 — расійскі касманаўт Аляксей Аўчынін і амерыканскі астранаўт Нік Хэйг.
Экіпаж паспяхова прызямліўся ў Казахстане і выйшаў на сувязь. Да месца аварыйнай пасадкі выехалі выратавальныя службы.
Гэта як мінімум 4-я аварыя расійскіх «Саюзаў» за год, што ставіць пад пытанне расійска-амерыканскую касмічную праграму.
