11.10.2018 / 16:44

Старшыня БСДП: Фінансаванне апазіцыйных партыяў Захадам — гэта вялікі міф 12

Лідар Беларускай сацыял-дэмакратычнай партыі Ігар Барысаў у інтэрв’ю «НН» пракаментаваў рашэнне Васіля Палякова адмовіцца ад пасады старшыні АГП. Ён бачыць у гэтым недасканалую палітычную сістэму.

Ігар Барысаў. Фота Ягора Хаванскага.

«Гэта залежыць ад атмасферы ўнутры партыі. У нас на дадзены момант сітуацыя значна лепшая, чым год таму, і яшчэ лепшая, чым два гады таму. Тады яшчэ ішлі ўнутраныя канфлікты, выкліканыя выбарчай кампаніяй Таццяны Караткевіч. Некалькі дзясяткаў чалавек у выніку адваліліся. Зрэшты, мы хутка гэты баланс аднавілі. Людзі ідуць у партыю. У мінулым месяцы толькі ў Мінску два чалавекі прыйшло ў БСДП. На дадзены момант я сказаў, што партыя маналітная і мае агульнае бачанне.

Што тычыцца Васіля Палякова, то ён прыйшоў не ў самы зручны момант. Па-першае, унутраныя канфлікты ўнутры партыі. Па-другое, немагчымасць плаціць за офісы арганізацыі. Ён не мог пераехаць у Мінск. Напрыклад, мне партыя не можа зняць жыллё ў Мінску, таму я прадаў сваю кватэру ў Магілёве, каб набыць у сталіцы. Два месяцы я ўжо жыву стала ў Мінску.

У чым корань праблемы? У тым, што ў нас няма закона аб фінансаванні палітычных партый. Я кажу гэта ўсюды і ўсім. Такія законы існуюць нават ва Узбекістане і Азербайджане, не кажучы пра прагрэсіўныя дэмакратычныя краіны. У Швецыі дзяржава фінансуе партыі, якія прайшлі ў парламент.

І мы будзе далей ініцыяваць такі закон. І гэта не значыць, што плаціць будзе Лукашэнка. Гэта грамадзяне краіны будуць фінансаваць плюралізм ідэй. Мы хочам дабівацца, каб юрыдычныя адрасы рэгіянальных філій партый маглі знаходзіцца на асабістых кватэрах. Калі твая партыя зарэгістраваная, то дзяржава мусіць прадстаўляць офіс для арганізацыі. А тыя партыі, што праходзяць у парламент, мусяць атрымліваць фінансаванне, прапарцыйнае колькасці грамадзянаў, якія за іх прагаласавалі.

І сітуацыя з Васілём Паляковым паказвае тое, што фінансаванне партыяў Захадам — гэта вялікі міф. Калі б такое было, то ніхто б з пасады старшыні не ўцякаў».

ЗП

0
Uladzimir / Адказаць
11.10.2018 / 17:00
Даже если бы и финансировали, не все ж власти за наши налоги, без нашего разрешения, будут финансировать всякие БРСМ, ЛДПБ и пр. Да и вообще, обвинения, властей  о финансировании демократических партий, мы всерьез не принимаем, - это как обвинять власти Польши или Франции, что они хотели бы видеть в Беларуси уровень жизни и законности, как и в их странах. 
3
В.Ф. / Адказаць
11.10.2018 / 17:14
Создается впечатление, что Борисов - дурачок. Если партия не представлена в парламенте (и не будет представлена в обозримом будущем), то смысл принимать такой закон о финансировании. Будет то же, что и сейчас, плюс придется из своего кармана финансировать какую-нибудь КПБ. У них вон восемь человек в парламенте.
0
Рубон / Адказаць
11.10.2018 / 17:58
Усе нармальныя людзі ведаюць, што адкрытыя грамадзтвы не дапусьцяць, каб зь іх сродкаў фінансаваліся непасрэдна замежныя палітычныя партыі. Гэта заўсёды змушала самых здольных людзей у партыях шукаць, дзе зарабіць на пражыцьцё і, урэшце, адыходзіць ад актыўных заняткаў палітыкай.
Знайсьці ўнутранае фінансаваньне апазыцыйнай партыі ў Беларусі абсалютна нерэальна, бо ніякай свабоды бізнэсу ў нас і блізка няма, і такі фундатар будзе фінансава або й фізычна зьнішчаны.
На партыйныя ж складкі нават КПСС і на 20 адсоткаў не магла пражыць: яна была цалкам зьлітая зь дзяржапаратам.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру