12.10.2018 / 10:52

Расследавалі справу пра афёру, а выйшлі на забойства: цана жыцця чалавека — 17 тысяч даляраў 5

Двое аферыстаў з Ліды і Лідскага раёна ў працэсе следства аказаліся датычнымі да забойства беларуса ў Адэсе, паведамляе СК у сваім тэлеграм-канале.

У красавіку яны шляхам злоўжывання даверам завалодалі 25 тысячамі рублёў кіраўніка замежнага прадпрыемства. Яны рэалізавалі аднаму з прадпрыемстваў абсталяванне, аднак грошы законнаму ўладальніку не вярнулі. Працяглы час рознымі спосабамі апраўдваліся за іх растрату.

У выніку мужчыны былі затрыманыя і змешчаныя пад варту.

У ходзе расследавання была праверана датычнасць да здзяйснення іншых злачынстваў. Напрыклад, стала вядома пра забойства, учыненае імі ў ліпені 2016 года.

Тады мужчыны шляхам падману атрымалі ў 57-гадовага лідчука 17 тысяч даляраў. Каб грошы не вяртаць, нібы ў мэтах адпачынку і наступнага працаўладкавання вывезлі мужчыну ў Адэсу і ў ноч на 27 ліпеня забілі на месцы малатком. Мужчына памёр ад вялікай колькасці ўдараў па галаве.

Ва ўзаемадзеянні з праваахоўнікамі Украіны атрыманыя звесткі пацвердзіліся, а абвінавачаныя далі прызнальныя паказанні.

12
гражданин БССР / Адказаць
12.10.2018 / 11:11
Будни капиталистической Беларуси...
1
Alec / Адказаць
12.10.2018 / 11:32
гражданин БССР,угомонитесь. Уже даже не смешно
0
пара спытаць антыквараў / Адказаць
12.10.2018 / 11:42
гражданин БССР, Такія прайдохі і тады былі,усе адтуль ідзе... Слава Азбель, напрыклад. Пад відам нумізматаў і розных калекцыянераў хаваліся алчныя да грошай прэступнікі. За нейкую бляшанку плацілі тое,што і за год не заробіш,а працавалі як усё, за сто рублёў
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру