ДТЗ з удзелам нецвярозага кіроўцы здарылася раніцай 12 кастрычніка, паведамілі «Мінск-Навінам» у сталічнай ДАІ.
— Каля 04:10 «Рэно», за рулём якога быў мужчына 1989 года нараджэння, рухаўся па знешнім кальцы МКАД з боку вул. Чыжэўскіх у напрамку Свіслацкай. Ён не справіўся з кіраваннем: аўто ўдарылася ў асвятляльную мачту, раздзяляльны парапет ля краю праезнай часткі і дарожны знак, пасля чаго выехала за межы праезнай часткі ў кювет, дзе ўрэзалася ў дрэва, — распавялі ў ДАІ Мінска.
Агляд паказаў у крыві кіроўцы 1,23 праміле алкаголю. Пацярпелых няма.
0
0
0
0
0
0
