Літаратурную прэмію імя Ежы Гедройца ўручылі ў Мінску ўчора.
Галоўны прыз атрымаў Уладзімір Арлоў з кнігай «Танцы над горадам» — «за адраджэнне містычнай традыцыі ў беларускай прозе XXI стагоддзя», як сфармулявала журы.
Лаўрэатам прэміі II ступені «за паспяховае ўкараненне еўрапейскай культурнай традыцыі ў беларускі літаратурны працэс» стаў Альгерд Бахарэвіч з кнігай «Сабакі Эўропы».
Трэцюю прэмію «за развіццё смехавой культуры ў сучаснай беларускай літаратуры» калегія журы прысудзіла Вінцэсю Мудрову за кнігу «Забойца анёла».
Сёлета на прэмію Гедройца прэтэндавалі аўтары 32 кніг. Акрамя лаўрэатаў у шорт-ліст конкурсу ўвайшлі Адам Глобус з кнігай «Сям'я», Павел Севярынец з кнігай «Беларусалім» і Анка Упала з кнігай «На заснежаны Востраў».
Усе гэтыя выданні можна знайсці ў кнігарні «Акадэмічная кніга» (пр.Незалежнасці, 72).
РУП «Акадэмічная кніга». УНП 101462648
