12.10.2018 / 12:54

Мінабароны жорстка адказала «Моладзі БНФ» за яе кампанію «Білет на той свет» 133

Нядаўна «Моладзь БНФ» абвесціла пра пачатак кампаніі «Білет на той свет», за гэтай назвай хаваецца жаданне «паказаць людзям, што насамрэч адбываецца ў нашым войску, спыніць дзедаўшчыну і данесці да людзей неабходнасць увядзення кантрактнага войска». 

Актывісты плануюць праводзіць перформансы і круглыя сталы.

«У сувязі з тым, што ў апошні час пачасціліся выпадкі гвалту ды забойстваў у войску, мы пачынаем гэтую кампанію. Асноўнай мэтай мы ставім выклікаць грамадскі рэзананс, прыцягнуць увагу грамадства і зрабіць так, каб пра гэта размаўлялі не толькі калі памрэ новы хлопец. Колькі яшчэ павінна загінуць хлапцоў, пакуль людзі перастануць маўчаць?» — казаў старшыня Моладзі БНФ Дзяніс Мандзік.

У адказ на закіды «Моладзі БНФ» Міністэрства абароны выдала тэкст, у якім заўважае, што колькасць суіцыдаў у беларускім войску ў пяць разоў меншая чым у войску ЗША, а пра «забойствы», маўляў, у арганізацыі ўвогуле загнулі. 

Аўтар артыкула — палкоўнік Уладзімір Макараў. 

Ён іранізуе, што пакуль што выглядае малаімаверным, што ў самога старшыні «Моладзі БНФ» Дзяніса Мандзіка атрымаецца паказаць рэаліі службы ў войску, бо той, маўляў, не падыходзіць па стане здароўя. 

Таксама Макараў з прывядзеннем шэрагу прыкладаў піша, што маладыя палітычныя актывісты чамусьці не прагнуць у войска. 

nn.by

8
belariy / Адказаць
12.10.2018 / 13:01
"Таксама Макараў з прывядзеннем шэрагу прыкладаў піша, што маладыя палітычныя актывісты чамусьці не прагнуць у войска."
ну вось таму і не прагнуць, што ім яшчэ жыць хочацца.

https://nn.by/?c=ar&i=217492

8
Uladzimir / Адказаць
12.10.2018 / 13:02
Я не член БНФ и не участвую ни в каких акциях, но веры Минобороны - нет, а вот БНФ - поддержу.
3
Юрась Дзяшук / Адказаць
12.10.2018 / 13:08
Хай сп. Макараў не выдумвае глупстваў, т. я. шэраг сябраў і актывістаў Моладзі БНФ ужо прайшлі службу ў беларускім войску. Я ва Ўнутраных войсках МУС, амаль адначасова са мною праходзілі службу ў войску - старшыні арганізацыі Алесь Каліта і Франак Вячорка і шмат іншых сябраў. І зараз некаторыя знаходзяцца ў войску. Так што ўсе закіды чыноўніка з міністэрства ў бок Моладзі БНФ - бессэнсоўныя.




Паказаць усе каментары/ 133 /
Каб пакінуць каментар, калі ласка, актывуйце JavaScript у наладах свайго браўзеру