13.10.2018 / 14:04

У Мінску паставяць конны помнік князю Глебу Менскаму 27

Скончыўся першы этап адкрытага конкурсу на стварэнне помніка Глебу Менскаму, паведамляе агенцтва «Мінск-Навіны» са спасылкай на старшыню камітэта архітэктуры і горадабудаўніцтва Мінгарвыканкама Паўла Лучыновіча.

Заяўкі падалі 17 аўтараў. Сярод членаў журы спецыялісты з розных абласцей - скульптары, архітэктары, гісторыкі, мастацтвазнаўцы.

- Журы аднагалосна пастанавіла, што помнік павінен размяшчацца ў Верхнім горадзе на высокім пункце - насупраць Кафедральнага сабора.

Гэта знакавае месца для сталіцы. Акрамя таго, прыйшлі да высновы, што гэта павінен быць конны помнік - такога ў Мінску няма, хоць іх усталёўваюць ва ўсіх буйных гарадах, - растлумачыў П. Лучыновіч.

На дапрацоўку твораў скульптурам дадуць яшчэ месяц. Усе, хто падаваў заяўкі, будуць працягваць удзел у конкурсе. Дарэчы, усе работы зашыфраваныя кодамі, члены журы не ведаюць, хто іх аўтары.

- Скульптурная кампазіцыя не павінна існаваць сама па сабе. Заклікаем канкурсантаў прадумаць, як гарманічна ўпісаць яе ў гарадское асяроддзе, - удакладніў П. Лучыновіч.

Як мяркуецца, кампазіцыю паставяць у Верхнім горадзе ў наступным годзе. Што цікава, 13 верасня 2019-га - напярэдадні Дня горада Мінска - споўніцца 900 гадоў з дня смерці Глеба Менскага.

Верагодная выява князя Глеба.

Чытайце таксама: Гісторыя Беларусі. Князь Глеб і узвышэнне Мінска

64
:) / Адказаць
13.10.2018 / 14:27
От этого жизнь станет лучше и веселей у граждан или деньги потратят на "культуру" деятели культуры, чтобы им зарплату заплатить? 
6
Uladzimir / Адказаць
13.10.2018 / 14:53
Нужен памятник Касцюшке, вместо памятника Ленину, на площади Независимости, а также, переименовать суворовское училище в им. Т.Касцюшке и многое другое. Так, что памятником Глебу Менскаму власть не отделается.
1
0,5 / Адказаць
13.10.2018 / 15:10
Як быццам вижу помник Рыгоравичу Драздоускаму на майбаху.
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру