13.10.2018 / 20:03

Андрэй Кураеў: З пункту гледжання Канстанцінопаля Мінск — чужая для Масквы тэрыторыя 70

Пра гэта протадыякан Андрэй Кураеў, адзін з найбольшых інтэлектуалаў РПЦ, сказаў у інтэрв'ю rosbalt.ru.

Пры канцы гутаркі пра магчымасці дасягнуць згоды між Канстанцінопалем і Масквой у пытанні ўкраінскай аўтакефаліі, ён раптам адзначыў: «Самае парадаксальнае: з пункту гледжання Канстанцінопаля, Мінск - гэта ўжо чужая для Масквы тэрыторыя. Раз адмяняецца Патрыяршая грамата 1686 года аб пераходзе Кіеўскай мітраполіі пад Маскву, то адмена тычыцца і Беларусі. Тады, у XVII стагоддзі, Рэч Паспалітая і Кіеўская мітраполія ўключалі ў сябе і беларускую тэрыторыю».

Што да ўласна перспектываў прымірэння з Канстанцінопалем, дык «Масква магла б выправіць сітуацыю, калі б яна прыняла гэтую дадзенасць. І стала б добрым і мірным удзельнікам працэсу станаўлення адзінай украінскай царквы.

Мы маглі б заявіць, што згодны з гэтай мэтай. Мы гатовыя на варыянт: няхай два подпісы патрыярхаў - грэцкага і нашага - будуць пад гэтым томасам. Наш ўклад у гэты працэс - мір. Нашых вернікаў і духавенства мы не будзем настройваць на канфлікт і на вайну. Гэта яшчэ не позна. Але, па-мойму, гэта не ў духу патрыярха Кірыла», — адзначыў Кураеў.

8
алекс / Адказаць
13.10.2018 / 20:36
Неўзораў кажа, што бізнес-праект РПЦ без даходаў з 12000 украінскіх прыходаў з’яўляецца безнадзейна стратным. Таму маскоўскія папы і трымаюцца за Украіну. А Парашэнка па псіхатыпу бізнесовец. І па-ціхаму заплаціць глаўпапам Москвы за Томас ... ну ён пазвінеў калькулятарам вырашыў што яму гэта не падыходзіць. Т.м. вырашыў дзейнічаць легальна і звярнуўся па ліцэнзію на праваславіе да канстанцінапольскага глаўпапа ў Стамбуле. Калі ў двух словах: Кураеў добры дзядзька і яго дуэт з В.Бычковай на "Эхо" мне заўсёды вельмі падабаецца. Яны на адной хвалі. Раю на ютубе)) А Кірыл, Кірыл хоча $лавэ$ p.s. я б заплаціў. Нам беларусам пытанне аўтакефаліі трэ па-ціхаму вырашаць. Аслабне чэкістская хунта Масквабада і тады нам можна будзе дамовіцца і з Кіевам і з Канстанцінопалем і з маскоўскімі пацанамі ой пардон папамі. Ну ў сэнсе з імі па-пацанскі размаўляць трэба. Чоценька так)
5
Мікола / Адказаць
13.10.2018 / 20:38
Зразумела што чужая. Уся Беларусь, ВКЛ, гэта старая кананічная тэрыторыя Кіеўскай Мітраполіі. Потым была названая Кіеўска-Літоўская Мітраполія калі яе цэнтар перанясьлі ў Наваградак з прычыны маскоўскай агрэсіі. Маскоўская царква тут, на Беларусі, легітымна не можа пальцам зачапіцца.
У дадатак, пару дзён таму, Усяленскі Патрыярх зноў падкрэсьліў што гэта не тэрыторыя маскоўсукай царквы.
3
Сярэднестатыстычны / Адказаць
13.10.2018 / 20:40
Разумны чалавек. Але ў РПЦ ён лішні.
Паказаць усе каментары/ 70 /
Каб пакінуць каментар, калі ласка, актывуйце JavaScript у наладах свайго браўзеру