14.10.2018 / 10:20

Трамп: Бязглузда зрываць здзелкі з Саудаўскай Аравіяй праз забітага журналіста 29

Дональд Трамп падзяліўся думкамі наконт мер у адказ у сувязі з магчымым забойствам у консульстве Саудаўскай Аравіі ў Стамбуле аўтара Washington Post Джамаля Хашогі. Каментуючы прапанову разарваць здзелкі па продажы зброі Эр-Рыяду, кіраўнік Белага дома заявіў, што ў гэтым выпадку ЗША толькі пакараюць самі сябе, паведамляе агенцтва Reuters.

Як лічыць Трамп, гэтая ідэя дурная, таму што месца ЗША неадкладна зоймуць Расія і Кітай, якія як раз выйграюць ад усёй гэтай гісторыі.

Трамп заявіў, што кіраўніцтва Саудаўскай Аравіі заслугоўвае суровага пакарання ў тым выпадку, калі высветліцца, што Хашогі сапраўды быў забіты. «Ніхто насамрэч не ведае, што там адбылося. Мы вельмі ўважліва за гэтым назіраем. І мы будзем вельмі незадаволеныя, калі высветліцца, што ўсё так і ёсць», — сказаў Трамп.

Хашогі, які сам сябе называў добраахвотным выгнанцам і праціўнікам цяперашняга рэжыму ў Саудаўскай Аравіі, 2 кастрычніка зайшоў у консульства сваёй краіны ў Стамбуле, каб атрымаць дакументы для будучага вяселля. З таго часу яго ніхто не бачыў.

Як паведамляла Washington Post, турэцкія ўлады заявілі, што ў іх ёсць даныя аб тым, што адразу пасля ўваходу ў будынак Хашогі быў затрыманы супрацоўнікамі спецслужб Саудаўскай Аравіі, а пазней забіты.

Чытайце таксама: СМІ: Саудаўскага апазіцыйнага журналіста забілі і расчлянілі ў консульстве яго краіны ў Турцыі

12
Neo / Адказаць
14.10.2018 / 10:40
Т.е. у нас Некляев изображал куриный обморок: злачынны рэжым.
Здесь возмодное убийство: ну мы же друзья и торгуем.
Демократия-с)
4
Dub / Адказаць
14.10.2018 / 10:45
Tramp nie razumieje, sto tam niama z kim handliavac` pryncypami. Jany usiak zahoniac` jamu noz u spinu, tolki z bols ciazkimi nastupstvami, kali nie adreahavac` na ciapierasni vypadak. 

Bo USA i KSA zahadzia majuc` zusim suprocliehlyja kastounasci... USA nia zmoza adkupacca viecna, daviadziecca albo prajhrac`, albo dziejnicac`. Alie, kali dziejnicac`, dyk, jak suprac`  chvaroby -  cym raniej, tym liepiej...
6
Павел Ас / Адказаць
14.10.2018 / 10:45
Бабло па над усім :( Канешне гэта не нейкая жабрацкая Расея знішчэнне якой ніхто нават не заўважыць, куды ёй да Саўдаўскай Аравіі :(
Паказаць усе каментары/ 29 /
Каб пакінуць каментар, калі ласка, актывуйце JavaScript у наладах свайго браўзеру