14.10.2018 / 13:31

Статкевіча затрымалі на сустрэчы праціўнікаў будаўніцтва акумулятарнага завода ў Брэсце 20

14 кастрычніка на плошчу Леніна ў Брэсце зноў выйшлі праціўнікі будаўніцтва акумулятарнага завода. Сярод іх быў і апазіцыйны палітык Мікалай Статкевіч. Як паведамляе карэспандэнт Tut.by, падчас акцыі ён быў затрыманы сілавікамі.

Фота: Радыё Свабода.

Разам са Статкевічам затрымалі відэаблогераў Сяргея Пятрухіна і Аляксандра Кабанава, якія асвятляюць на сваім канале «Народны рэпарцёр» сітуацыю з будаўніцтвам акумулятарнага завода.

Паводле папярэдняй інфармацыі, іх адправілі ў Ленінскі РАУС Брэста.

Акрамя таго, яшчэ да пачатку несанкцыянаванай акцыі на ўездзе ў горад затрымалі праціўніка будаўніцтва завода Дзмітрыя Бекалюка.

Акумулятарны завод будуе на прамысловай пляцоўцы «Аэрапорт» у свабоднай эканамічнай зоне «Брэст» ТАА «АйПаўэр». Жыхары Брэста і некалькіх вёсак Брэсцкага раёна лічаць, што прадпрыемства пагражае іх здароўю.

8
Крывiч / Адказаць
14.10.2018 / 13:39
Яшчэ а 11.35 на плошчы i на Пушкiнскай стаялi абаронцы рускага сьвету, мардатыя, адкормленыя за нашыя грошы.
7
Выхожу и выйду ещё / Адказаць
14.10.2018 / 13:45
Как же режим боиться этого человека, ради которого создали целый спецотдел из 70 человек.
6
Васiль / Адказаць
14.10.2018 / 13:55
Спадзяюся, што калi-небудзь на плошчы Калiноускага будуць стиаяць дзесяткI, сотнi тысяч беларусау. 
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру