15.10.2018 / 20:34

Да пераходу ў ГРУ Мішкін-Пятроў працаваў у пецярбургскім бістро 14

Расіянін Аляксандр Мішкін, які, па версіі Bellingcat і The Insider, з'яўляецца Аляксандрам Пятровым, абвінавачаным Вялікабрытаніяй у атручванні Скрыпалёў, падчас вучобы працаваў афіцыянтам у Санкт-Пецярбургу, паведамляе тэлеканал «Дождь» са спасылкай на арт-кансультанта Мікалая Еўдакімава.

Паводле яго слоў, у 2000 годзе ён і Мішкін, які ў той час вучыўся ў Вайскова-медыцынскай акадэміі імя Кірава, працавалі ў бістро «Гарсон» ў Санкт-Пецярбургу. Еўдакімаў таксама назваў Мішкіна таварыскім, «дастаткова адкрытым, дастаткова цынічным» чалавекам і распавёў, што ён даваў «нейкія рэкамендацыі» па здароўі і вучыўся на доктара.

Арт-дырэктар дадаў, што пазнаў свайго былога калегу, калі Аляксандр Пятроў даў інтэрв'ю тэлеканалу RT, пасля чаго напісаў пост у Facebook, у каментарах да якога былыя супрацоўнікі «Гарсона» таксама пацвердзілі, што абвінавачаны Лонданам у атручванні Скрыпалёў падобны на іх экс-калегу.

0
Котіс / Адказаць
15.10.2018 / 21:00
Там ён нікога не атруціу?
3
Туш / Адказаць
15.10.2018 / 21:22
Ну добра, ці так ужо важна для нас, дзе гэтыя два аболтуса працавалі падчас студэнцтва. 
5
Szsz / Адказаць
15.10.2018 / 21:26
Очередная ложь
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру