15.10.2018 / 21:41

Случчак пакрыўдзіўся на сябра і падпаліў яго машыну 10

У суботу, 13 кастрычніка, каля 3 гадзіны ночы ў Слуцку згарэў легкавы аўтамабіль. Мяркуецца, яго падпаліў мужчына пасля сваркі з сябрам. Зараз падазронага затрымалі.

У ноч з 12 на 13 кастрычніка два сябры ва ўзросце 30 гадоў адпачывалі ў адным са слуцкіх кафэ. Яны спачатку выпілі, а потым пасварыліся і пабіліся.

Калі мужчыны разышліся, адзін з іх, паводле следства, вырашыў адпомсціць свайму таварышу. Ён падышоў да машыны сябра (яна была адчынена), узяў запалкі і падпаліў футравыя чахлы ў машыне. У выніку салон аўтамабіля выгарэў цалкам.

Аддзел крымінальнага вышуку высветліў асобу падазраванага ў падпале. Супраць яго распачата крымінальная справа за наўмыснае знішчэнне (пашкоджанне) маёмасці. Па артыкуле 218 часткі 2 КК за такое злачынства караюць абмежаваннем волі на тэрмін да пяці гадоў або пазбаўленнем волі на тэрмін ад трох да дзесяці гадоў.

1
Перфекцыяніст / Адказаць
15.10.2018 / 21:57
Спачатку прачытаў, што нешта здарылася з Ігарам Случаком.
1
нехта нейкі / Адказаць
15.10.2018 / 22:20
Я падумаў, што той Случак, што за мову змагаецца.
0
Зiма / Адказаць
15.10.2018 / 22:35
Немагчыма звыкнуцца з тым якiя вакол нас добрыя разумныя людзi.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру