16.10.2018 / 10:22

Украінскія вайскоўцы правялі навучальны бой паміж Су-27 і F-15  24

Савецкія знішчальнікі Су-27, якія стаяць на ўзбраенні ВПС Украіны, паказалі сябе лепш у баі на дыстанцыі ад 1 да 1,5 км, чым знішчальнікі F-15 C Eagle Нацыянальнай гвардыі ЗША. Кадры бою апублікаваныя на канале Ваеннага тэлебачання Украіны ў YouTube.

Бой праходзіў падчас вучэнняў «Чыстае неба — 2018» (Clear Sky), у манеўрах удзельнічалі па чатыры-пяць самалётаў Су-27 і F-15. Адзначаецца, што Су-27 перамаглі за кошт большай манеўранасці і механізацыі.

Вучэнні «Чыстае неба» праходзяць ва Украіне з 8 па 19 кастрычніка, у іх, акрамя ЗША, бяруць удзел Вялікабрытанія, Бельгія, Данія, Эстонія, Нідэрланды, Польшча і Румынія. Вучэнні, як адзначалі ў Мінабароны Украіны, праходзяць у Вінніцкай і Хмяльніцкай абласцях — у горадзе Стараканстанцінаў і на аэрадроме Гаўрышкова. У вучэннях бяруць удзел каля 700 вайскоўцаў, усяго запланавана 330 вылетаў.

6
гыгыгы / Адказаць
16.10.2018 / 10:27
ну тое што су27 дасць у манеурынасци форы каму заугодна гэта видавочна и никим не аспрэчваецца. Другое пытанне - яки дурань яго падпусциць да сябе на 1.5-1 км???
16
Язэп / Адказаць
16.10.2018 / 11:28
Зрада?
23
Справедливый / Адказаць
16.10.2018 / 11:50
Эстонцы предоставили свои дельтапланы
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру