Фота Сяргея Гудзіліна
Былы першы віцэ-прэм'ер Васіль Мацюшэўскі з наступнага панядзелка ўзначаліць Банк БелВЭБ. Пра гэта TUT.BY паведамілі інфармаваныя крыніцы і пацвердзілі ў самім банку.
«Па выніках назіральнай рады Мацюшэўскі абраны старшынёй праўлення Банка БелВЭБ. Ён прыступіць да выканання сваіх абавязкаў з 22 кастрычніка», — сказалі суразмоўцы.
Цяперашні кіраўнік Банка БелВЭБ Мікалай Лузгін нядаўна прайшоў спецкамісію Нацбанка і атрымаў ухваленне на пасаду незалежнага дырэктара банка. Імаверна, ён увойдзе ў назіральную раду банка.
Галоўным акцыянерам ААТ «Банк БелВЭБ» з'яўляецца расійская дзяржкарпарацыя «Банк развіцця і знешнеэканамічнай дзейнасці (Знешэканомбанк)» - 97,52% акцый. Пасля прэзідэнцкіх выбараў у Расіі яе ўзначаліў былы першы віцэ-прэм'ер РФ Ігар Шувалаў.
