22.10.2018 / 13:42

Трэцякласнік памёр на ўроку фізкультуры ў школе ў Быхаўскім раёне 20

Трэцякласнік памёр на ўроку фізкультуры ў школе ў аграгарадку Лудчыцы Быхаўскага раёна 19 кастрычніка, паведаміла TUT.BY чытачка Марына. Сумны факт пацвердзілі ў райвыканкаме. Дзіця памерла падчас бегу, распавяла сваячка хлопчыка. У яго было хворае сэрца.

Ягор жыў з мамай і бабуляй у суседняй вёсцы Тайманава. У яго ёсць старэйшая сястра, якая вучыцца ў Магілёве.

— Ягор быў актыўным хлопчыкам, ездзіў на ровары, але ў яго было хворае сэрца,— распавяла сваячка сям'і Марыя. — Штогод яны з мамай ляжалі ў бальніцы ў Магілёве, дзе ён праходзіў абавязковае абследаванне. Яму нейкі апарат спецыяльны ставілі (магчыма, гаворка ідзе пра холтар — прыбор для сутачнага маніторынгу ЭКГ). Ён быў моцным, разумным дзіцём. І ведаеце, нават калі яму было дрэнна на ўроку, ён не мог сказаць пра гэта, каб не было сорамна перад аднагодкамі.

Марыя кажа, што, са слоў маці хлопчыка, Ягор з аднакласнікамі быў на ўроку фізкультуры. Дзеці павінны былі прабегчы нейкую пэўную дыстанцыю, аднак Ягор раптам упаў.

— Яму спрабавалі дапамагчы — настаўнікі, медсястра. Выклікалі хуткую, але яна ехала 40 хвілін — занадта доўга, — кажа Марыя. — Вызвалення ад фізкультуры ў яго, наколькі я ведаю, не было.

Па словах Марыі, у даведцы, выдадзенай бацькам хлопчыка, указана, што прычына смерці высвятляецца. Заключэнні экспертаў павінны быць гатовыя праз месяц.

Дырэктар Лудчыцкай школы-сада Ігар Броўка ад каментара адмовіўся:

— Без каментарыяў давайце абыдземся, — сказаў Броўка і паклаў слухаўку.

У Міністэрстве адукацыі сказалі, што афіцыйнай інфармацыі пра выпадак гібелі на занятках у школе ў іх пакуль няма.

Атрымаць аператыўны каментар СК па факце смерці хлопчыка не ўдалося.

Пахаванне школьніка адбылося ўчора, 21 кастрычніка.

3
Сергей / Адказаць
22.10.2018 / 13:58
40 минут. Без комментариев.
1
Маклай / Адказаць
22.10.2018 / 14:12
Освободить ребёнка по состоянию здоровья - НЕЛЬЗЯ! Зарабатывать на закупках медицинской техники - МОЖНО! Привлечь к Уголовной Ответственности Жарко - Нельзя! Можно продолжать до бесконечности... Но что НАСТОРАЖИВАЕТ: всё делается в государстве невпопад! Существует классическое понятие о человеке, делающим всё невпопад (некстати) - так поступает Дурак! Никого не оскорбил, но за 24 года всё такое...
5
z / Адказаць
22.10.2018 / 14:13
В мое время уроки физры тож были жесть. Как вспомню, что заставляли прыгать с разбегу с опорой на мостик а потом  на эту долбаную "снаряд-лошадь", так пот начинает прошибать. Там же чуть за что зацепиться - и все хана. А физруку - пох.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру