23.10.2018 / 13:58

У Маладзечне затрымалі падазраванага ў здзяйсненні сэксуальнага злачынства над 9-гадовай дзяўчынкай 5

Днём 19 кастрычніка ў Маладзечанскі РАУС паступіла заява ад бацькоў 9-гадовай дзяўчынкі. Паводле іх словаў, раніцай у пад'ездзе аднаго з дамоў невядомы злачынца здзейсніў гвалтоўныя дзеянні сэксуальнага характару ў дачыненні да іх дачкі. Падрабязнасці затрымання падазраванага распавялі ў міліцыі рэгіёна.

Пасля заявы бацькоў у Маладзечна выехалі кіраўнікі УУС, лепшыя аператыўныя супрацоўнікі ўпраўлення, былі мабілізаваны ўсе сілы міліцыі непасрэдна на месцы.

У распараджэнні аператыўнікаў апынулася відэа меркаванага злачынцы. Камера вонкавага назірання аднаго з адміністрацыйных памяшканняў, размешчаных непадалёк ад месца падзей, зафіксавала маладога чалавека, прыкметы якога, а таксама дадзеныя пацярпелай дзяўчыны, супадалі.

Міліцыя пачала пошук. Арыенціроўку распаўсюдзілі ў гарадскіх СМІ, інфармацыю аб рэзанансным злачынстве падхапілі жыхары Маладзечна.

Вынік быў тым жа вечарам. Супрацоўнікі крымінальнага вышуку размаўлялі з работнікамі адной з крамаў буйной гандлёвай сеткі. Тыя пазналі стажора,што працуе ў краме. Высветлілася, што 17-гадовы малады чалавек — жыхар іншага горада, і ўжо з'ехаў пасля працы дадому. Міліцыянты адразу ж выехалі па месцы жыхарства маладога чалавека. Дома яго і затрымалі. Пры першапачатковым апытанні фігурант стаў адмаўляць сваю датычнасць да здзяйснення злачынства, аднак потым зразумеў, што адмаўляць няма сэнсу.

Заведзена крымінальная справа за гвалтоўныя дзеянні сэксуальнага характару. Падазраванаму пагражае да пятнаццаці гадоў пазбаўлення волі.

0
Антызомбі / Адказаць
23.10.2018 / 15:33
17-ці гадоваму доўбню пашражае максімум 10 год.
5
Кастусь / Адказаць
23.10.2018 / 18:04
Я не понял, он сейчас что, за мои налоги будет проживать и питаться на зоне? Я категорически против.
1
Шлимазл / Адказаць
23.10.2018 / 18:51
,за якое ліха угалоўка? Раней пісалі,што яго суседзі спудзілі,нічога ён не рабіў ,а цяперака кажаце што было нешта.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру