Уладзімір Пуцін падчас сустрэчы з памочнікам амерыканскага прэзідэнта па нацыянальнай бяспецы Джонам Болтанам пацікавіўся лёсам пладоў з аліўкавай галінкі, якую трымае ў адной з лап намаляваны на гербе ЗША белагаловы арлан, паведамляе РІА «Новости».
«Наколькі я памятаю, на гербе Злучаных Штатаў намаляваны арлан. З аднаго боку ён трымае 13 стрэл, а з другога — аліўкавую галіну, як знак міралюбнай палітыкі, з 13 алівамі. Пытанне: ваш арлан ужо ўсе алівы скляваў, засталіся адны стрэлы?» — сказаў Пуцін, нагадаўшы Болтану пра намер амерыканскага боку выйсці з Дамовы па ракетах сярэдняй і меншай далёкасці.
Болтан прызнаў, што аліўкавай галіны міру ён з сабой у Маскву не прывёз («Я так і думаў», — пракаментаваў гэтыя словы Пуцін), але сама гэтая галіна знаходзіцца ў правай лапе арлана на гербе ЗША.
«Так што ён дэманструе свае прыярытэты менавіта такім чынам», — сказаў Болтан.
Цяпер чытаюць
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары