Мужчына падпаліў хату з сужыцелькай і дзіцём у Чашніцкім раёне, паведамляе Следчы камітэт.
27 верасня 36-гадовы мужчына ў адной з вёсак Чашніцкага раёна падчас сваркі з сужыцелькай падпаліў дом, у якім знаходзіліся жанчына і яе малалетняя дачка. Адбыўся выбух. Выбуховай хваляй жанчыну з дзіцём выкінула з хаты праз дзверы, абвінавачанага — праз акно.
Мужчына знік у лесе каля вёскі. Праз двое сутак супрацоўнікі міліцыі яго затрымалі.
Аказалася, што мужчына хацеў знішчыць сумесны нажытак, пры падзеле якога і ўзнік канфлікт.
Мужчыну ўзялі пад варту. Расследаванне крымінальнай справы працягваецца.
0
0
0
0
0
0
