28.10.2018 / 09:26

Са дна Нёмана паднялі самы вялікі ў Беларусі човен, якому не менш за 200 гадоў ФОТА 19

Артэфакт, які дасталі на паверхню ўдзельнікі сумеснай экспедыцыі археолагаў і дайвераў, даставяць у Інстытут гісторыі Нацыянальнай акадэміі навук. Там спецыялісты правядуць шэраг даследаванняў, каб вызначыць дакладны ўзрост і драўніну, з якой зроблены рачны транспарт. Пасля знаходка зойме месца ў адным з музеяў краіны, паведамляе «Беларусь-1».

Ва ўнікальнай аперацыі выратавання старажытнага артэфакта было задзейнічана некалькі дзясяткаў чалавек. Човен хоць і знаходзіўся на невялікай глыбіні, але быў занесены глеем, ды і цячэнне Нёмана ў гэтым месцы аказалася даволі хуткім.

Спачатку аб'ект абследавалі дайверы, яны замацавалі знаходку на адмысловай рамнай канструкцыі. Дзякуючы аўтамабільнаму крану старадаўні човен удалося падняць на бераг, дзе археолагі змаглі вызначыць сапраўдную каштоўнасць артэфакта.

Унікальнасць гэтай знаходкі ў тым, што на сёння гэта самы вялікі човен-даўблёнка ў Беларусі. Яго даўжыня — больш за 8 метраў. А гэта значыць, што і ўзрост — не менш за 200 гадоў.

Выявіць такі старадаўні артэфакт атрымалася дзякуючы мясцовым жыхарам. Алег Волікаў часта рыбачыў на гэтым участку Нёмана. Менавіта яго блясна зачапілася за човен. Цікаўнасць узяла верх, і пенсіянер паведаміў пра знаходку археолагам.

Старадаўні човен даставяць у Інстытут гісторыі, дзе спецыялісты правядуць шэраг даследаванняў. 

Удзельнікі ж навуковай экспедыцыі працягнуць працу на берагах Нёмана. Мясцовыя жыхары ўжо паабяцалі паказаць яшчэ некалькі месцаў, дзе, магчыма, затопленыя падобныя чоўны. 

nn.by

2
Жвiр / Адказаць
28.10.2018 / 09:48
Cikava, u jakich metach taki covien moh vykarystouvacca ? Niomanskaja plyn davoli chutkaja, kab uprauliacca i pieraadolvac` jaje z takim ciazkim plausrodkam, asabliva, kali b jon zahruzany. Dlia rybnaha promysla taki covien vielikavaty. Ciba mo tokli splauliacca uniz, a nazad volakam ciahnuc...
2
Жвiр / Адказаць
28.10.2018 / 09:49
Alie nie aby jak rabili, bacnyja parestki spanhoutau, kanstrukcyja byla umacavanaja. :)
3
Александр / Адказаць
28.10.2018 / 09:50
Любопытно, как возраст лодки соотносится с её длиной?
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру