29.10.2018 / 19:14

Сёння ў Курапатах пройдзе «Ноч расстраляных паэтаў» 6

Паэтычныя чытанні пры свечках распачнуцца а 20-й гадзіне. 

Арганізатары нагадваюць, каб людзі вельмі цёпла апраналіся і бралі з сабою парасоны. На месцы будуць тэрмасы з гарачы пітвом, дажджавікі.

Каб дабрацца на грамадскім транспарце, трэба ехаць да прыпынку Зялёны Луг — 6, а пасля прайсці праз усе Курапаты да месца збору, на заходні бок Курапатаў.

Калі ехаць на машыне, то пункты для парковак: найбліжэйшая, невялічкая, збоку заслаўскай дарогі, паркоўка на запраўцы Белнафтахіма. Ёсць яшчэ паркоўка на кальцавой іншага (усходняга) боку Курапатаў, калі паркавацца тут, трэба прайсці да месца праз усе Курапаты.

Калі каму трэба будзе ў прыбіральню, яна знаходзіцца на запраўцы, якая з месца нашага мерапрыемства будзе трошку бачна.

Чакаюцца выступы паэтаў і бардаў. 

На мерапрыемстве будуць збірацца грошы на ўшанаванне Курапат. Сёлета, нагадваюць ініцыятары чытанняў, на 70 новых вялікіх крыжоў вакол Курапат было сабрана каля 9000 рублёў. У планах — паставіць яшчэ 57 вялізных новых крыжоў, каб абнесці імі ўвесь перыметр Курапат. 

«Сённяшнія літаратурныя чытанні не з'яўляюцца ні палітычнай акцыяй, ні нейкім перформансам — гэта ўшанаванне памяці згубленых пісьменнікаў», — нагадваюць ініцыятары. Першая такая «Ноч расстраляных паэтаў» прайшла ў мінулым годзе.

4
Жвiр / Адказаць
29.10.2018 / 10:49
Heta mierapryjemstva pavinna transliravacca pa teliebacanni na usiu krainu i daliej.
2
партызан / Адказаць
29.10.2018 / 10:55
Вялікая пашана ўсім, хто не дае забытя пра лёс нашых продкаў.
3
Мiця Выкручанскi / Адказаць
29.10.2018 / 13:27
...ЯНЫ вечна жывыя  пакуль памяць шануем...
...ЯНЫ пад крастамi ляжаць...мы над iмi смуткуем....
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру