30.10.2018 / 07:05

Пад Мурманскам затануў найбуйнейшы плывучы док, дзе ў той момант рамантаваўся авіяносец «Адмірал Кузняцоў» 36

@ObozrenieMira/Twitter

Плывучы док ПД-50 пад Мурманскам, дзе рамантаваўся авіяносец «Адмірал Кузняцоў», затануў з-за перабою ў падачы электраэнергіі. У выніку інцыдэнту пацярпелі чатыры чалавекі.

«У час інцыдэнту з авіяносцам «Адмірал Кузняцоў» на 82-м суднарамонтным заводзе ў Раслякове чацвёра рабочых апынуліся ў вадзе, атрымалі пераахаладжэнне, у цяперашні час ім аказваецца медыцынская дапамога. Пагрозы жыццю няма», — сказаў агенцтву кіраўнік прэс-службы цэнтра сударамонту «Зорачка» (выканаўца кантракту на рамонт крэйсера) Яўген Гладышаў.

Раней на 82-м суднарамонтным заводзе паведамілі, што з-за перабою ў падачы электраэнергіі цыстэрны плавучага дока запоўніліся вадой і док пайшоў пад ваду. Сам крэйсер пры гэтым не пацярпеў.

«Корпус карабля ў выніку інцыдэнту на 82-м заводзе не пацярпеў. Карабель у штатным рэжыме буксіруецца ў верф на 35-м заводзе ў Мурманску для працягу планавых рамонтных работ», — сказаў прадстаўнік завода.

Інфармацыя аб пацярпелых з'яўвілася ў мясцовых СМІ і сацсетках. У прыватнасці, паводле інфармацыі мурманскага выдання «СеверПост», раненні атрымалі тры чалавекі. Па дадзеных выдання, прыкладна апоўначы па мясцовым часе ўпалі два вежавыя краны, адзін з іх — на палубу авіяносца.

ПД-50 — адзін з найбуйнейшых плывучых докаў у свеце, ён пабудаваны ў 1980 годзе на верфі Götaverken у Швецыі.

Даўжыня дока — 330 метраў, шырыня — 67 метраў, грузападымальнасць — 80 тысяч тон. Док прызначаны для рамонту буйных караблёў і падводных лодак.

Акрамя «Адмірала Кузняцова» на ім рамантаваўся атамны крэйсер «Пётр Вялікі», акрамя таго, тут быў змешчаны корпус затанулай падводнай лодкі «Курск» пасля таго, як яго паднялі са дна Баранцавага мора.

4
mmm / Адказаць
30.10.2018 / 07:14
Ізноў вінаваты ганебны ўплыў заходняй ідэалогіі.
5
Мать / Адказаць
30.10.2018 / 07:18
Лучще бы позорный "Кузя" затонул!
5
З...лы беларус / Адказаць
30.10.2018 / 07:38
І яны зьбіраюцца ў Рай - скатертью дорожка .... а мы без іх даўжэй на Зямлі памучаемся, паўздыхаем, поздыхаем !
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру