01.11.2018 / 13:29

Футбаліст пачухаўся падчас выканання кітайскага гімна і быў пакараны 2

Бразільскі форвард кітайскага клуба «Шаньдун Лунэн» Дыега Тардэлі атрымаў дыскваліфікацыю за тое, што пачухаўся падчас выканання гімна КНР перад матчам супраць «Шанхай СІПГ». Пра гэта паведамляе Worldsoccertalk.

33-гадовы форвард стаяў, апусціўшы галаву, і пачухаў твар правай рукой. У Кітайскай федэрацыі футбола асудзілі паводзіны бразільца, а манеры Тардэлі палічылі недарэчнымі. Гулец прапусціць наступны матч сваёй каманды з прычыны дыскваліфікацыі.

Каманда Тардэлі прайграла матч з лікам 2:4. Пасля 27 тураў «Шаньдун Лунэн» займае трэці радок у табліцы Кітайскай Суперлігі. «Шанхай СІПГ» з'яўляецца лідарам турніру.

Тардэлі вядомы па сваіх выступах за бразільскія «Сан Паўлу» і «Фламенга». Ён таксама абараняў колеры махачкалінскага «Анжы» ў 2011 годзе. Футбаліст перабраўся ў Кітай у 2015-м. За «Шаньдун Лунэн» ён правёў 56 матчаў і забіў 32 мячы.

3
Ы / Адказаць
01.11.2018 / 14:41
Может он почесал кое что другое ,Фоберже )))
3
Зiма / Адказаць
02.11.2018 / 10:11
ганьба! няма дэмакратыi у гэтых азiятау. 
Каб пакінуць каментар, калі ласка, актывуйце JavaScript у наладах свайго браўзеру