01.11.2018 / 19:22

Навукоўцы адшукалі сакрэт будаўнікоў егіпецкіх пірамід 48

Група навукоўцаў з Французскага інстытута Усходняй археалогіі ў Каіры і Ліверпульскага ўніверсітэта ў Англіі выявілі прыладу, з дапамогай якой старажытныя егіпцяне, верагодна, пабудавалі піраміды, піша Science Alert.

У адным з кар'ераў каля Луксора, дзе егіпцяне здабывалі алебастр, археолагі знайшлі сляды пандуса, які мог выкарыстоўвацца для ўзняцця вялікіх грузаў. Прыблізны ўзрост знаходкі — не менш за 4,5 тысячы гадоў.

Фота: Міністэрства па справах старажытнасцяў Егіпта

У цэнтры канструкцыі знаходзілася нахіленая пляцоўка, абапал якой былі лесвіцы і адтуліны. У адтуліны маглі ўстаўляць драўляныя слупы, вакол якіх абкручвалі вяроўкі. Шматтонныя блокі замацоўваліся на драўляных «санках». Пасля гэтага будаўнікі цягнулі за вяроўкі і перамяшчалі блокі па пляцоўцы ўверх пад вуглом 20 градусаў.

Фота: Міністэрства па справах старажытнасцяў Егіпта

Навукоўцы і раней меркавалі, што старажытныя егіпцяне выкарыстоўвалі падобныя канструкцыі, але выявілі такую сістэму ўпершыню.

Егіпецкія піраміды — адны з самых старажытных каменных збудаванняў на Зямлі. Большая частка з іх гэта пахаванні фараонаў.

Самыя вядомыя піраміды знаходзяцца на ўскраіне Каіра ў Гізе. Найбуйнейшая — піраміда Хеопса, адзіны захаваны з сямі цудаў свету.

8
Хаус / Адказаць
01.11.2018 / 19:30
Убили веру в то, что мы не единственная цивилизация на этой планете.
3
Кнехт / Адказаць
01.11.2018 / 19:34
Якая банальшчына - пандус!
Не дурыце мне галаву! Насамрэч, навукаю даказана, што будаваць піраміды егіпцянам дапамагалі прышэльцы з космасу: яны адключалі над блокамі гравітацыю.
Вы што - РЕН ТВ не глядзіце?!
13
Жвiр / Адказаць
01.11.2018 / 19:51
Nu, niachaj pasprabujuc` pautaryc`... paciahac` padobnyja bloki na draulianych sankach uharu pad вуглом 20 градусаў...

Nasamrec starazytnyja ehipcianie valoali technaliohijami antyhravitacyi, tamu  bloki tyja nicoha nia vazyli...Vo, sto sukac` treba !..
Паказаць усе каментары/ 48 /
Каб пакінуць каментар, калі ласка, актывуйце JavaScript у наладах свайго браўзеру