Franceinfo
У Новай Каледоніі — адміністрацыйная тэрыторыя Францыі з асаблівым статусам у Ціхім акіяне — праходзіць рэферэндум. Пытанне на ім стаіць наступным чынам: «Ці хочаце вы, каб Новая Каледонія дамаглася поўнага суверэнітэту і стала незалежнай».
Лагер нацыяналістаў узначальвае Рош Вамітан. «Французскае дзяржава — каланізатар, якая падпарадкавала мільёны чалавек, удзельнічала ў жахлівых масавых забойствах! Тут і цяпер яна не мае намеру нічога выпускаць са сваіх рук», — заявіў ён на адным з апошніх перадвыбарных мітынгаў.
Разам з тым, паводле апытанняў, большасць жыхароў архіпелага — 66% — маюць намер прагаласаваць супраць поўнай незалежнасці ад Францыі.
Вядомы ў мінулым палітык Элі Пуаган кажа: «Мой погляд на сітуацыю змяніўся, у дачыненні да Францыі таксама. Раней яна была каланізатарам, абыходзілася з намі жорстка. Але ў апошні час яна стала значна больш добразычлівай, уважлівай да насельніцтва, асабліва да канакаў», — кажа ён.
Вынікі рэферэндуму стануць вядомыя раніцай у нядзелю паводле мінскага часу. На папярэднім плебісцыце, што прайшоў 20 гадоў таму, прыхільнікі незалежнасці пацярпелі паразу.
