05.11.2018 / 17:25

Абвешчаны прысуд сяржантам, якія давялі Коржыча да самагубства. А міністр Раўкоў атрымаў заўвагу дапоўнена 24

Мінскі абласны суд абвясціў прысуд тром сяржантам, якія абвінавачваюцца ў давядзенні да самагубства Аляксандра Коржыча, перадае БелТА.

Фота: Tut.by.

Максімальнае пакаранне прызначана Яўгену Бараноўскаму: яго прысудзілі да 9 гадоў калоніі ўзмоцненага рэжыму. Ён прызнаны вінаватым у неаднаразовым атрыманні хабару, перавышэнні ўлады, што пацягнула цяжкія наступствы, а таксама ў крадзяжы.

Антон Вяжэвіч прысуджаны да 7, Ягор Скуратовіч — да 6 гадоў калоніі ўзмоцненага рэжыму. Антон Вяжэвіч і Ягор Скуратовіч прызнаныя вінаватымі ў хабарніцтве і перавышэнні ўлады.

Суд вынес прыватную пастанову на адрас міністра абароны Андрэя Раўкова, паведамляе Tut.by. У дакуменце гаворыцца, што ў 72 навучальным цэнтры службовыя асобы выконвалі абавязкі не ў поўнай меры. Суд звярнуўся да міністра абароны, каб ён прыняў меры — і падобнае не паўтарылася.

Суд па гэтай справе пачаўся 8 жніўня і праходзіў у будынку суда Маскоўскага раёна Мінска.

1
?? / Адказаць
05.11.2018 / 17:37
Дык у судзе было даказана, што магчыма павесіцца са звязнымі нагамі і майкай на галаве? Калі не, то чаму самагубства?
1
Адам Чумак / Адказаць
05.11.2018 / 17:38
Iмёны найбольш вiнаватых даведаемся не хутка
4
Жвiр / Адказаць
05.11.2018 / 17:41
Pasluzyli u vojsku... Alie pravilna adzin z asudzanych skazau -  nie jany takuju systemu stvaryli u vojsku, jany apynulisia va uzo hatovaj systemie. I kab nie toj trahicny vypadak -  usio b praciahvala funkcyjanavac`, jak i funkcyjanavala... Halounyja vinavatyja na lavu nie sieli...navat pasadau svaich nie stracili.
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру