Прадстаўнікі аналітычных цэнтраў ЗША 5-6 лістапада наведваюць Беларусь, паведамляе МЗС.
Фота: МЗС.
У склад дэлегацыі ўваходзяць эксперт Цэнтра па аналізе еўрапейскай палітыкі Бэн Ходжэс (які раней быў камандуючым Сухапутнымі войскамі ЗША ў Еўропе), старшы дырэктар Цэнтра дыпламатыі і глабальных адносін імя Байдэна Майкл Карпентэр, эксперт аналітычнага цэнтра «Карпарацыя РЭНД» Брус Макклінтак, прэзідэнт Джэймстаўнскага фонду Глен Ховард і старшы навуковы супрацоўнік гэтага фонду Уладзімір Сакор.
Праграма візіту ўключае сустрэчу аналітыкаў у Міністэрстве абароны, а таксама наведванне Мінскага сувораўскага вайсковага вучылішча, Парку высокіх тэхналогій, музея гісторыі Вялікай Айчыннай вайны.
З амерыканскімі аналітыкамі сустрэўся міністр замежных спраў Беларусі Уладзімір Макей.
