Галоўны рэдактар расійскага часопіса «Национальная оборона» Ігар Каротчанка пракаментаваў заяву Аляксандра Лукашэнкі пра адсутнасць неабходнасці ў стварэнні расійскай вайсковай базы на тэрыторыі Беларусі. Каротчанка згодны з тым, што пытанне размяшчэння базы не з'яўляецца актуальным.
Рэдактар упэўнены, што гэтая заява Лукашэнкі звязана з цяперашняй сітуацыяй, якая складваецца ўздоўж заходніх межаў Беларусі.
«Калі ж у Польшчы з'явіцца «форт Трамп», гэта значыць паўнавартасная амерыканская вайсковая база, калі будзе працягвацца размяшчэнне ўдарных кампанентаў у тым ліку ВПС НАТА ў краінах Балтыі і Польшчы, калі будзе працягвацца ўзмоцненая мілітарызацыя рэгіёна, то гэтая заява можа быць скарэктавана з улікам новых рызык», — піша Каротчанка.
Пытанне пра расійскую вайсковую базу ў Беларусі зноў можа стаць актуальным па меры пагаршэння становішча.
«Я думаю, што гэтае пытанне не закрытае, а адкладзенае, і ў святле агрэсіўнай палітыкі НАТА можа стаць актуальным у найбліжэйшы час»,
— лічыць рэдактар «Нацыянальнай абароны».
Каротчанка лічыць, што пытанне расійскай вайсковай прысутнасці ў Беларусі ў фармаце паўнавартаснай вайсковай базы можа зноў стаць актуальным у 2019-2020 годзе.
Чытайце таксама: Лукашэнка — аналітыкам ЗША: Мы катэгарычна супраць размяшчэння ў нас вайсковай базы Расіі
