08.11.2018 / 08:43

Макрон назваў вялікім салдатам Першай сусветнай Петэна — лідара калабарантаў у 1940-х 6

Прэзідэнт Францыі Эмануэль Макрон падвергся крытыцы з боку апанентаў пасля таго, як назваў «вялікім салдатам» Анры Філіпа Петэна. Апошні ўзначальваў калабарантаў падчас Другой сусветнай вайны

Выступаючы ў сераду, Макрон вырашыў расказаць пра заслугі маршала Петэна, які ў 1940-1943 гадах узначальваў урад Вішы - залежную ад нацысцкай Германіі дзяржаву ў паўднёвай частцы Францыі. Прэзідэнт нагадаў аб тым, што падчас Першай сусветнай вайны Петэн быў адным з герояў, паведамляе Washington Post.

«Ён быў вялікім салдатам», — заявіў Макрон. «Петэна трэба памятаць як аднаго з сямі маршалаў, якія праявілі сябе падчас Першай сусветнай вайны. А палітыка — нашмат больш складаная штука, чым нам хочацца думаць. І гісторыю нашай краіны я заўсёды разглядаў менавіта ў гэтым ключы», — сказаў прэзідэнт Францыі.

Заява Макрона выклікала цэлы шэраг крытычных заўваг у яго адрас. Яму нагадалі, што Петэн пасля капітуляцыі Францыі адкрыта супрацоўнічаў з нацыстамі, а яго ўрад дэпартаваў больш за 76 тысяч яўрэяў, многія з якіх загінулі ў канцэнтрацыйных лагерах. Пасля вайны Петэна спачатку прысудзілі да смяротнага пакарання, але затым змянілі вышэйшую меру на пажыццёвае зняволенне. Толькі перад самай смерцю ў 1951 годзе яму дазволілі пакінуць турму.

Былы прэзідэнт Францыі Франсуа Алянд заявіў, што ваеннае мінулае Петэна не можа змяніць той факт, што пазней ён запляміў гонар мундзіра і здзейсніў здраду.

7
вася чэсных / Адказаць
08.11.2018 / 09:23
Если для Макрона колобарант Петен - герой, значит Макрон расписался в том, что и сам он является представителем оккупационного режима. А нормальный правитель не позволит делать со своей страной то, что делают имигранты с Францией.
0
Адам Чумак / Адказаць
08.11.2018 / 09:31
ну, тады, i яфрэйтара Адольфа трэба аб"явiць героем I сусветнай вайны. Таксама нейкiя узнагароды меу 
0
Побач / Адказаць
08.11.2018 / 09:59
У Францыі зараз ёсьць прымаўка,на рускую перакладаецца так : " Когда де Голль спасал нашу честь, Петэн спасал наші деньгі". 
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру