08.11.2018 / 10:57

Брытанскія навукоўцы: Час, праведзены дзецьмі з гаджэтамі, не ўплывае на сон 5

pixabay.com

Паводле даследавання Оксфардскага ўніверсітэта, кожная гадзіна, якую дзіця праводзіць ля экрана гаджэта або тэлевізара, можа скарачаць яго сон ад 3 да 8 хвілін. На думку навукоўцаў, гэта занадта маленькая залежнасць, каб казаць пра сур'ёзны ўплыў экранаў на дзіцячы сон.

Навукоўцы Оксфардскага інстытута інтэрнэту прааналізавалі вынікі амерыканскага апытання 2016 года, у якім бацькі з розных штатаў ЗША адказвалі на пытанні пра сваіх дзяцей. Узрост іх дзяцей - ад шасці месяцаў да 17 гадоў. У апытанні змяшчаецца інфармацыя аб больш чым 50 тысячах амерыканскіх дзяцей і падлеткаў.

Бацькі адказвалі на пытанне, колькі іх дзеці праводзяць ля экранаў камп'ютараў, мабільных тэлефонаў і іншых гаджэтаў, а таксама дзяліліся інфармацыяй пра тое, колькі часу іх дзіця траціць на прагляд тэлевізара і відэагульняў.

Аказалася, што тыя дзеці, якія не карыстаюцца гаджэтамі, спяць толькі трохі даўжэй, чым тыя, хто праводзіць увесь час ля экрана.

Напрыклад, падлетак, які не карыстаўся гаджэтамі цэлы дзень, праспаў ноччу 8 гадзін 51 хвіліну. А той, хто пратырчаў восем гадзін перад экранам, спаў 8 гадзін 21 хвіліну.

Па словах аўтараў даследавання, бацькам, якія непакояцца за сон сваіх дзяцей, варта звярнуць увагу не на гаджэты, а на рэгулярнасць сну і зафіксаваць адзін і той ж час для абуджэння і засынання.

Гэта можа быць значна больш карысна для працягласці сну, чым забраць у дзіцяці смартфон.

Пры гэтым навукоўцы падкрэсліваюць, што гэтыя даследаванні могуць быць недакладныя, бо грунтуюцца на апытаннях бацькоў, якія могуць быць у чымсьці суб'ектыўныя.

Даследаванне Оксфардскага ўніверсітэта уступае ў супярэчнасць з папулярным сцвярджэннем, што гаджэты негатыўна ўплываюць на дзіцячы сон.

Амерыканская нацыянальная асацыяцыя сну рэкамендавала бацькам забараняць дзецям гуляць у гаджэты ў вячэрнія гадзіны, бо блакітнае святло экрана нібыта здольны затрымліваць выпрацоўку мелатаніну — гармона, што адказвае за сон. На думку экспертаў асацыяцыі, празмернае выкарыстанне гаджэтаў можа мець эфект «мініджэтлагу».

2
вася чэсных / Адказаць
08.11.2018 / 11:41
Садитесь в кружок и включайте смартфоны на запись. При ссылке на авторитет "британских ученых" серьёзные деятели науки складываются от смеха в корчах. Смартфон негативно влияет на кратковременную память у взрослых, а у детей не позволяет её развить вовсе. При чтении книг у ребёнка развивается воображение, а для красочных видеоигр и мультфильмов воображение не требуется вовсе. Все медиагаджеты создают иллюзию реальности, где все доступно и легко, соцсети - иллюзию общения и социализации. В Южной Корее, этом форпосте передовых гаджетов и цифрового обучения, бьют тревогу медики-психологи, и официально введён медицинский термин "цифоровое слабоумие" вызванное использованием гаджетов во время формирования мозга(взросления ребенка). А на сон - да, не влияют, умные и дураки спят почти одинаково. Записали? Сделайте рассылку друзьям и получайте лайки!
0
небрытанскі навуковец / Адказаць
08.11.2018 / 13:03
Брытанскія навукоўцы? Усё, далей можна не чытаць:)))))
0
Тата i Мама / Адказаць
08.11.2018 / 13:06
Вось ужо , брахня, на карысць карпарацый .
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру