08.11.2018 / 15:14

У гродзенскай гімназіі адкрыюць музей Дзяржынскага. Дырэктарка: «Там будзе ўсё, каб выхоўваць годных грамадзян» 177

У гродзенскай гімназіі № 6 ужо шмат гадоў стаіць помнік — бронзавая галава Фелікса Дзяржынскага. Яго не толькі не прыбіраюць, а наадварот — ладзяць святочныя мерапрыемствы і ўскладаюць кветкі.

Фота — grodnonews.by

Нядаўна помнік абнавілі. Галаву рэвалюцыянера паставілі на вялікі гранітны пастамент.

«Работы маштабныя і закранаюць не толькі сам бронзавы бюст, але і будынак гімназіі. Па задуме аўтараў, фасад, калоны і помнік створаць адзіны скульптурны комплекс», — пісала пра гэта «Гродзенская праўда».

Дырэктарка гімназіі Таццяна Махнач пацвердзіла «Нашай Ніве»: «Правялі грандыёзную масштабную работу!»

Але рабілася ўсё не за кошт гімназіі ці бацькоў, супакоіла дырэктарка, дапамагалі спонсары.

Хто спонсар? Камітэт дзяржбяспекі, прызналася Махнач.

Таццяна Махнач. Фота — grodnonews.by

Але навошта ўвогуле ў гімназіі Дзяржынскі?

«Дзяржынскі тут на працягу 30 гадоў. Будынак гімназіі знаходзіцца на вуліцы Дзяржынскага, а помнік мусіць быць прымеркаваны да нейкага сацыяльнага аб’екта. Чаму яго прыбіраць, дый куды? — адказвае дырэктарка. —

Музей Дзяржынскага таксама плануецца. Дакладней, у нас ужо ёсць школьны музей, проста там будзе вялікая экспазіцыя, прысвечаная асобе і дзейнасці Дзяржынскага. Гэта пакуль у перспектыве».

Што будзе ў тым музеі? Ці будзе ўзгадвацца Чырвоны тэрор? Карная палітыка СССР?

«Што будзе там? Калі будзем адкрываць, то запросім гасцей. Прыязджайце і пабачыце. Усё, праз што можна выхоўваць годных грамадзян Беларусі, там будзе», — адказала дырэктарка.

Але як можна выхоўваць годных грамадзян з дапамогай Дзяржынскага? На гэтае пытанне спадарыня Махнач адказваць не захацела. 

УШ

4
NN / Адказаць
08.11.2018 / 15:18
это полнейшая клиника и идиотизм 
3
Бенедзікт / Адказаць
08.11.2018 / 15:22
У гродзенскай гімназіі адкрыюць музей Дзяржынскага. Дырэктарка: «Там будзе ўсё, каб выхоўваць годных грамадзян» ---------------------------- Малайчына дырэктарка! А на практыку, будучых чэкіс... "годных грамадзян" у Курапаты, Хайсы, Лошыцу і г.д. 

Правесьці экскурсію і нагадаць - "Бачыце як працавалі нашчадкі Дзяржынскага. Вы павінны пераўзыйсьці іх і пакінуць не горшы сьлед на зямлі... Можаце пачаць сваю практыку тут з дырэктаркі і настаўнікаў вашай гімназіі..."







73
хамса / Адказаць
08.11.2018 / 15:35
'Возглавляя коммунистическое хозяйство, одновременно был председателем комиссии по улучшению жизни детей (то есть по борьбе с детской беспризорностью). На должности председателя комиссии Дзержинский организовал систему детских учреждений — приёмников-распределителей (временного пребывания), детских домов, «коммун» и детских «городков». В этих учреждениях тысячи обездоленных детей получали медицинское обслуживание, образование, питание, и самое главное, возможность дальнейшей самореализации. На базе коммуны имени Дзержинского (руководитель А. С. Макаренко) было создано целое предприятие, где работали подростки, создавая один из самых современных по тем годам фотоаппаратов под названием «ФЭД», то есть первые буквы его имени, отчества и фамилии. Восемь бывших беспризорников стали впоследствии академиками АН СССР, в их числе всемирно известный генетик Николай Петрович Дубинин. Нужно заметить, что на тот момент по официальным данным около 5 000 000 детей являлись беспризорными.'
Паказаць усе каментары/ 177 /
Каб пакінуць каментар, калі ласка, актывуйце JavaScript у наладах свайго браўзеру