Моцны землятрус магнітудай 6,8 адбыўся ў Паўночным Ледавітым акіяне недалёка ад Грэнландыі і Ісландыі. Пра гэта паведамляюць Еўрапейскі міжземнаморскі сейсмалагічных цэнтр (EMSC) і Геалагічная служба ЗША (USGS).
Паводле USGS, землятрус адбыўся ў 119 км на паўночны захад ад нарвежскай выспы Ян-Маен, размешчанай на мяжы Грэнландскага і Нарвежскага мораў. Эпіцэнтр падземных штуршкоў залягаў на глыбіні 10 км.
EMSC прыводзіць такія ж звесткі, удакладняючы, што землятрус адбыўся ў 941 км ад сталіцы Ісландыі.
Аб разбурэннях і загінулых інфармацыі пакуль не паступала. Пагроза ўзнікнення цунамі ня абвяшчалася.
0
0
0
0
0
0
