Беларуская тэнісістка Аляксандра Сасновіч у інтэрв'ю «Прэсболу» распавяла, што для яе важна ў стасунках з мужчынамі.
Фота з сацыяльных сетак.
— Кажуць, дзяўчыне трэба дзевяць секунд, каб зразумець, будзе ў іх нешта з гэтым хлопцам ці не.
— З чалавекам трэба пагутарыць, гэта ў любым выпадку. Каштоўна, каб ён быў добрым, глыбокім. Вельмі не люблю сквапных хлопцаў. Ну проста вельмі.
— Гэта як? Пералічваць колькасць падораных руж?
— Менавіта. Я бабулі сваёй так і сказала, што руж павінна быць не менш за трыццаць. Неяк мой малады чалавек падарыў значна менш. І я, скажу шчыра, была азадачана. Не ведаю, можа, я ў гэтым плане нейкая асаблівая?
— Дык у вас ёсць хлопец? А мы тут агарод гародзім…
— Дык гэта ж добра. Хоць наш народ такі: кажаш яму, што ёсць хлопец, але гэта чамусьці нікога не спыняе. Усё роўна пішуць, кудысьці клічуць, прызначаюць спатканні. Дораць кветкі. Окей, я вазьму, але папярэджу, калі гэта не заўзятар, што маё сэрца занята. Так праўдзіва. Я не з тых людзей, якія калекцыянуюць прызнанні ў каханні.
— Які рэкорд па колькасці падораных вам руж?
— 101. Але хочацца ўжо 301. Не, чаго ўжо там — 1001.
— Выходзіць, правільна кажуць, што дзяўчыну трэба заваёўваць кожны дзень?
— Так. Штодня ты павінен даказваць, што яна не дарма цябе абрала. І добра, і камфортна павінна быць не аднаму чалавеку, а абаім.
