09.11.2018 / 12:05

«Гэта проста смешна»: гомельскую актывістку западозрылі ў крадзяжы з «Еўраопта» ВІДЭА 42

Прыкладна тыдзень таму гомельская актывістка «Маладых дэмакратаў» Алена Луцковіч даведалася, што яе шукае міліцыя па падазрэнні ў крадзяжы ў краме. Відэа выклалі гомельскія праваахоўнікі, а па мясцовым ТБ нават паказалі кароткі сюжэт, прысвечаны «злачынцы».

На відэа відаць, як густоўна жанчына ходзіць з прадуктовым кошыкам па «Еўраопце». Штосьці яна сапраўды перакладвае ці то ў сумку, ці то з сумкі, праўда, кепска відаць, што менавіта. Міліцыя заклікае ўсіх, хто пазнаў жанчыну, паведаміць пра гэта праваахоўнікам.

Луцковіч пацвярджае — так, на відэа сапраўды яна. Але…

«Відэа заўважыла мая мама, — кажа Алена Луцковіч. — Я спачатку хацела пазваніць у міліцыю, высветліць, але я не стала. Бо гэта проста смешна — калі нейкі пікет ці акцыя, то міліцыя ў мяне на ганку адразу. А тут тры месяцы мяне шукаюць і не могуць знайсці. Але міліцыя дакладна ведае хто я, як мяне завуць, ведае і адрас, і мабільны.

Алена Луцковіч, фота з сацсетак 

Я не разумею, навошта ім трэба мяне зняславіць на ўвесь раён.

Вось толькі ўчора, калі ўжо абмяркоўвалі гэтае відэа ў сацсетках, мне пазваніў нейкі ўчастковы, ветліва запрасіў даць тлумачэнні. Схаджу, дам тыя тлумачэнні.

Натуральна, нічога я не крала. Па-першае, я і не займаюся такім. А па-другое, у краме ж «пішчалкі» на выхадзе, адтуль ніхто нічога незаўважна не вынесе».

Луцковіч падазрае, што відэа адмыслова так змантавалі. Кажа, у краме былі і іншыя відэакамеры, на якіх лепш відаць, што яна перакладвае. Але запіс з іх не публікавалі.

У гомельскай міліцыі паведамілі, што крымінальная справа яшчэ не заведзеная — пакуль праводзіцца праверка. 

Па словах міліцыянтаў, калі чалавек пазнаў сябе на відэа, то ён можа прыйсці ў аддзяленне і прызнацца ў здзейсненым злачынстве. Калі ж злачынства не было, то грамадзянін можа падаць скаргу на дзеянні праваахоўнікаў у пракуратуру. 

УШ

6
Змагар / Адказаць
09.11.2018 / 12:26
На первом она четко кладет телефон в сумку, да и на втором просто что-то в своей сумке перекладывает. Бт в своем духе
3
Люстрация / Адказаць
09.11.2018 / 12:28
Ну, наконец-то. Я уж подумал, что шунявки теряют квалификацию. А тут сразу одного в больницу с сердцем отправили, другую подленько засветили на ТВ. Молодцы, держат уровень.
3
Магнат / Адказаць
09.11.2018 / 12:34
Вот так на ровном месте опоганили честь человека. Это видео вообще не доказывает, что она что-то воровала. Видно на одном кадре, что женщина кладёт телефон в сумку, на втором - какой-то предмет, но не показывают с полки она его взяла или из сумки достала и назад положила, может это зеркальце или какой-нибудь личный аксессуар. Даже, если она и с полки положила в сумку, не факт, что она не расплатилась за него на кассе. Я поражаюсь подлости госжурналистов за их едкие комментарии в отношении человека, чья вина не доказана. И вообще, ее даже за руку не поймали.
Паказаць усе каментары/ 42 /
Каб пакінуць каментар, калі ласка, актывуйце JavaScript у наладах свайго браўзеру