09.11.2018 / 14:47

Хакейнае «Дынама» звольніла Дуаера і ўсіх яго намеснікаў 10

Фота Дар'і Буракінай, Tut.by

Галоўны трэнер ХК «Дынама» Гордзі Дуаер звольнены. Скасаваныя таксама кантракты з трэнерам Сяргеем Стасем, трэнерам Канстанцінам Кальцовым, трэнерам па брамніках Андрэем Кудзіным, трэнерам па фізпадрыхтоўцы Генадзем Лянга і трэнерам-селекцыянерам Юрыем Кузьмянковым, паведамляе прэс-служба клуба.

«Камандзе патрэбныя радыкальныя перамены, таму, сумесна з трэнерамі абмеркаваўшы становішча спраў, мы прыйшлі да аднадушнай высновы, што спыненне супрацоўніцтва з цяперашнім трэнерскім штабам павінна надаць станоўчы імпульс нашай камандзе. Нам неабходна кардынальнае паляпшэнне практычна ўсіх кампанентаў гульні. У такія моманты рэзкія рашэнні апраўданыя, толькі так мы можам нешта змяніць. Пра тое, хто заменіць Гордзі Дуаера і яго асістэнтаў, будзе неўзабаве абвешчана. Новы трэнерскі штаб прыступіць да працы ў найбліжэйшы час, каб падрыхтаваць каманду да матча супраць «Трактара», — пракаментаваў кадравыя змены генеральны дырэктар ХК «Дынама-Мінск» Дзмітрый Баскаў.

Нагадаем, што пасля 25 гульняў «Дынама» займае апошні радок у Заходняй канферэнцыі. У каманды 6 перамогаў і 19 паразаў, прычым серыя з паразаў налічвала 11 матчаў. Год таму «Дынама» не здолела прабіцца ў плэй-оф.

Паводле інфармацыі Tribuna.com, галоўным трэнерам «Дынама» прызначаны галоўны трэнер зборнай Беларусі Андрэй Сідарэнка.

0
Жвiр / Адказаць
09.11.2018 / 14:57
Aha, zbornaja pieramahla francuzau, i adrazu rasyli, cipa, a my i biaz Vas o-ho-ho. 

Nu, sto, Sidarenka, prymaj svaje "Civali" iznou, cieraz 25 hadou ... :)))
0
Манюня / Адказаць
09.11.2018 / 14:57
давно пора....
0
0 / Адказаць
09.11.2018 / 15:08
Сідарэнка?
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру