У французскай сталіцы Парыжы праходзяць урачыстыя мерапрыемствы, прысвечаныя 100-годдзю з дня заканчэння Першай сусветнай вайны.
11 лістапада 1918 года а 11-ай гадзіне пачало дзейнічаць пагадненне аб спыненні ваенных дзеянняў паміж саюзнікамі і Германіяй, падпісанае ў лесе каля горада Кампьень.
Агулам у Парыж прыляцелі каля 70 дэлегацый і лідараў дзяржаў. Сярод іх Ангела Меркель, Уладзімір Пуцін, Пятро Парашэнка, Дональд Трамп, Жан-Клод Юнкер, Джасцін Трудо і многія іншыя.
Запрасілі на ўрачыстыя мерапрыемствы ў Парыж і Аляксандра Лукашэнку. Аднак ён вырашыў не ехаць — замест яго ў Францыю паляцеў Міхаіл Мясніковіч.