12.11.2018 / 15:51

У мінскім гандлёвым цэнтры «Арэна-Сіці» абвалілася столь, ёсць пацярпелыя ФОТЫ, ВІДЭА 57

У мінскім гандлёвым цэнтры «Арэна-Сіці» абвалілася столь. Пра гэта паведаміў карэспандэнт «НН», які стаў відавочцам падзей.

Адну дзяўчыну вынеслі на руках, але яна ў прытомнасці. Другую заваліла так, што яна апынулася пад лаўкай. Але ў выніку змагла сысці на сваіх нагах.

Пацярпелі крама кветак і пункт продажу аксэсуараў для мабільнай сувязі.

Усё пачалося з левага крыла гандлёвага цэнтра. Спачатку пачуўся грукат, нібыта ідуць нейкія будаўнічыя працы. Затым паляцелі кавалкі столі і пачуўся жаночы крык.

Столь падала кавалкамі: гэта гіпсакартон на алюмініевых канструкцыях. Першыя кавалкі ўпалі на дзяўчыну ў кветкавай краме. Яе прываліла, але калі стала зразумела, што абрынулася ўжо ўсё, што магло, наведнікі дасталі дзяўчыну з-пад завалаў. Яна была ў шоку, казала, баліць нага і рэбры.

Заваліла яшчэ адну дзяўчыну. Але ёй пашанцавала больш — яна залезла пад лаўку, калі пабачыла, што са столі падаюць кавалкі.

Цяпер на месцы працуюць ратавальнікі, дактары і міліцыя.

У МНС карэспандэнту «НН» паведамілі, што абрынулася каля 150 квадратных метраў перакрыцця.

Чытайце таксама: Пацярпелая ў «Арэна Сіці» знаходзіцца ў стане сярэдняй ступені цяжкасці

Чытайце таксама: Хто валодае гандлёвым цэнтрам «Арэна-Сіці», у якім абрынулася столь?

Чытайце артыкул за 2013 год: Адкрываецца «Арэна-Сіці» — самы вялікі гіпермаркет Юрыя Чыжа

Арцём Гарбацэвіч

3
Януш / Адказаць
12.11.2018 / 15:54
Напомните, Минск-Арена тоже к 7 ноября была построена?
1
Я / Адказаць
12.11.2018 / 16:01
Жесть. Здоровья пострадавшим. Это же вроде Юрия Чижа строение? Снова помчится в сторону литовской границы намскорости 200 км/час?
1
Пранаяма / Адказаць
12.11.2018 / 16:05
Забитых нет?
Паказаць усе каментары/ 57 /
Каб пакінуць каментар, калі ласка, актывуйце JavaScript у наладах свайго браўзеру