13.11.2018 / 14:10

Ірына Дрыга, якая змяніла межы ахоўнай зоны ў Курапатах, звольненая з Міністэрства культуры 62

Першым намеснікам міністра культуры стала Наталля Карчэўская.

Да гэтага яна працавала першым прарэктарам Універсітэта культуры.

У гэтай навіне больш звяртае на сябе ўвагу той факт, што пасады пазбавілася Ірына Дрыга. Чыноўніца прыйшла ў Міністэрства культуры з ідэалагічнага ўпраўлення Адміністрацыі прэзідэнта.

Ірына Дрыга. Фота «Мінск-новості».

«Трэба сачыць i за iдэалагiчным зместам вучэбнай лiтаратуры, — заявіла яна ў інтэрв'ю «Звяздзе». — У якасцi прыкладу можна прывесцi падручнiк па грамадазнаўстве, прызначаны для вучняў 9-х i 10-х класаў. Напрыклад, раздзел пра палiтычных лiдараў суправаджае фатаграфiя кiраўнiкоў дзяржаў «вялiкай васьмёркi». Але цi патрэбна нашым дзецям ведаць у твар кiраўнiкоў Iндыi або Бразiлii?

Цi не лепш было змясцiць фатаграфiю прэзiдэнта Беларусі з кiраўнiкамi краiн СНД?» — казала яна.

У Міністэрстве культуры яна таксама адказвала за ідэалогію. Напрыклад, Дрыга адмаўляла ў выступах гродзенскаму гурту «Дзецюкі». Пасля выхаду фільма «Мы, браты», які праваліўся ў пракаце, Дрыга сказала: «Нельга сказаць, што фільм не спадабаўся беларускаму гледачу».

Адзначылася Ірына Дрыга і ў гісторыі з Курапатамі. Менавіта яна ў 2014 годзе ад імя Міністэрства культуры падпісала дакумент, які змяняў межы ахоўнай зоны ва ўрочышчы. Гэта і дазволіла пабудаваць скандальны рэстаран «Паедзем паядзім».

Летась сацыял-дэмакраты ініцыявалі ўсталяванне ў Мінску шыльды ў гонар правядзення Першага ўсебеларускага з’езду, аднак Дрыга ў адказе ад імя Міністэрства адмовіла ў гэтым.

Ірына Дрыга нарадзілася ў 1970 годзе. Яна кандыдат педагагічных навук, бібліёграф.

Зміцер Панкавец

4
Юз / Адказаць
13.11.2018 / 14:15
Вот как-то совсем мы не огорчились.. 
Женщина, которая так выглядит (не в силу физиологии, а из-за отсутствия какого-либо вкуса как такового в принципе или хотя бы намека на него), к культуре не имеет никакого отношения...)))
3
Генэрал Голад / Адказаць
13.11.2018 / 14:17
Адразу відаць, што стыглася яна ў цырульні "Чекист". 
16
Колян-Электровоз / Адказаць
13.11.2018 / 14:19
Латушко приди и порядок наведи!.
Паказаць усе каментары/ 62 /
Каб пакінуць каментар, калі ласка, актывуйце JavaScript у наладах свайго браўзеру