13.11.2018 / 15:20

З'явіцца камісія па праверцы кантэнту замежных СМІ на чале з Паўлам Лёгкім. Што яна будзе рабіць? 15

Як інфармуе сайт урада, у Беларусі з'явіцца камісія на чале з першым намеснікам міністра інфармацыі Паўлам Лёгкім. Яе задачай стане экспертыза прадукцыі замежных СМІ, якія плануюцца да распаўсюду ў Беларусі.

Як патлумачыў «Нашай Ніве» сам Павел Лёгкі, стварэнне камісіі прадугледжана новай рэдакцыяй закона «Аб СМІ». 

Але, маўляў, радыкальна нічога не зменіцца — гэта толькі фармалізацыя ранейшай працэдуры.

Павел Лёгкі

«Любое замежнае СМІ, якое заходзіць на тэрыторыю Беларусі, так ці іначай ацэньваеца на прадмет экстрэмізму, забароненай інфармацыі і гэтак далей. Так было заўсёды, адбудзецца ўпарадкаванне ранейшай працэдуры. Па часе ці патрабаваннях нічога не зменіцца», — патлумачыў Лёгкі.

Ці можа ўмоўны «Белсат» тады падаць у гэтую камісію дакументы? 

«Гэта ўсё робіцца не так, — кажа намеснік міністра. — Прадукцыя замежных СМІ распаўсюджваецца кімсьці: ёсць дыстрыб'ютар. Вось ён і падае ў міністэрства заяўку, што я, маўляў, хачу ўключыць у сваю сетку і такі канал. Сам «умоўны Белсат» нічога не падае», — патлумачыў чыноўнік.

АЯ

1
Верны / Адказаць
13.11.2018 / 15:37
Валяць. Што яшчэ можа рабіць такая камісія? Рускія СМІ забараніць яна ня зможа.
1
gust / Адказаць
13.11.2018 / 15:45
Дармаеды яшчэ на нашу голаву
1
сік / Адказаць
13.11.2018 / 16:01
Цікава, якой дупай гэтыя балбатуны будуць затыкаць замежны кантэнт, які ідзе праз Інтэрнэт❔😁 Адсталасць саўгаснагаловых савецікусаў адчуваецца не толькі па хвораму дыктатару, які яшчэ жыве ў паперным сталецці.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру