13.11.2018 / 23:28

Прэс-сакратарку АГП Ганну Красуліну хочуць дэпартаваць з Беларусі за ўдзел у апазіцыйных акцыях і праезд без білета абноўлена 74

Ганна Красуліна.

Прэс-сакратарку Аб'яднанай грамадзянскай партыі Ганну Красуліну міліцыя хоча дэпартаваць з Беларусі.

Яна нарадзілася і жыла на Урале, таму мае расійскае грамадзянства, але з 2002 года жыве ў Беларусі. Яе муж — беларус, вядомы гісторык Яўген Красулін. Яны разам вучыліся ў Маскоўскім дзяржаўным універсітэце і, ажаніўшыся, прыехалі жыць у Беларусь.

У 2006 годзе Красуліна перавезла ў Беларусь сваіх бацькоў і, як яна кажа, абарвала сувязі з Расіяй.

Міліцыя паведаміла ёй, што знайшла падставы для дэпартацыі ў «інтарэсах грамадскага парадку». Справа ў тым, што Красуліна двойчы прыцягвалася да адказнасці за ўдзел у апазіцыйных акцыях, а таксама адзін раз за праезд без білета.

У 2006 годзе яна працавала на штаб Аляксандра Мілінкевіча, у 2010 годзе была прэс-сакратаркай Яраслава Раманчука, цяпер працуе прэс-сакратаркай АГП.

nn.by

32
Белачупакабра / Адказаць
13.11.2018 / 18:23
Не разумею, як гэта грамадзяне іншых краін займаюцца палітычнай дзейнасцю ў РБ? Мы тут як у ДНР?
28
Юзiк / Адказаць
13.11.2018 / 18:33
Усё правiльна: нiдзе замежныя грамадзяне не могуць займацца палiтычнай дзейнасцю у iншай краiне. Яшчэ б варта i Павла дэпартаваць. 
41
Зiма / Адказаць
13.11.2018 / 18:34
Няхай дэпартуюць гэтую ганну
Паказаць усе каментары/ 74 /
Каб пакінуць каментар, калі ласка, актывуйце JavaScript у наладах свайго браўзеру