14.11.2018 / 16:25

Былы старшыня КДБ Сцяпан Сухарэнка звольніўся з Банка Развіцця 25

Сцяпан Сухарэнка, які з 2005 па 2007 узначальваў КДБ, з 2017 года працаваў у Банку развіцця. Туды ён прыйшоў па запрашэнні Сяргея Румаса і ўзначальваў упраўленне бяспекі і абароны інфармацыі.

Але па інфармацыі «Нашай Нівы» цяпер Сухарэнка там ужо не працуе. Гэты факт пацвердзілі і ў Банку Развіцця. Вядома, што пакінуў пасаду 61-гадовы Сухарэнка яшчэ летам. Але прычыны звальнення і сённяшняе месца яго працы пакуль невядомыя.

Сцяпан Сухарэнка найбольш вядомы сваімі заявамі пра пацукоў. Нібыта ў дзень выбараў у 2006 годзе апаненты Лукашэнкі збіраліся атруціць вадаправод дохлымі пацукамі. Сухарэнка запэўніваў, што апазіцыя планавала выбухі ў школах і сілавы захоп улады з дапамогай баевікоў з Украіны, Грузіі і былой Югаславіі. Праўда, раскрытая «змова» так і не прывяла да судовых працэсаў над «тэрарыстамі».

Пасля звальнення з КДБ Сухарэнка сем гадоў працаваў паслом у Арменіі.

УШ

1
:) / Адказаць
14.11.2018 / 16:51
А,это тот,что предупреждал о дохлых крысах в канализации.
1
Вакульчык / Адказаць
14.11.2018 / 17:01
А что там с крысами в банке? Всех поймал?
1
bane / Адказаць
14.11.2018 / 17:19
Крысалов !
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру