15.11.2018 / 11:38

Смяротнае ДТЗ з пяццю ахвярамі: мікрааўтобус вёз жанчын з Петрыкава на рынак у Калінкавічы 11

«Вова не быў ліхім кіроўцам, наадварот — вельмі асцярожнымі», — кажуць жыхары Петрыкава, якія ведаюць кіроўца VW Transporter, які ўчора трапіў у смяротную аварыю ў Калінкавіцкім раёне. Кіроўца да гэтага часу знаходзіцца ў шпіталі ў вельмі цяжкім стане, а ў Петрыкаве рыхтуюцца да пахаванняў загінулых у аварыі жанчын. Піша TUT.BY. 

Фота: Следчы камітэт

Нагадаем, аварыя адбылася 14 лістапада каля 10.55 на 176-м км трасы М10 «Мяжа РФ — Гомель — Кобрын». Мікрааўтобус VW Transporter пад кіраваннем 30-гадовага кіроўцы выехаў на паласу сустрэчнага руху, дзе сутыкнуўся з малакавозам, за стырном якога быў 29-гадовы жыхар Калінкавічаў.

У выніку ДТЗ пяць жанчын ва ўзросце 47, 43, 41, 40, 25 гадоў, якія ехалі ў VW Transporter, памерлі на месцы здарэння. Усе загінулыя пражывалі ў Петрыкаве. Кіроўца VW Transporter шпіталізаваны ў рэанімацыйнае аддзяленне.

— Усе мы ў шоку, не можам ачуняць ад таго, што адбылося. Страшна… — кажа адна з жыхарак Петрыкава. — У аварыі загінула мая сяброўка, Карына, ёй было ўсяго 25 гадоў. Трое дзетак засталося: шэсць, пяць і два гады.

Дзяўчына расказала AUTO.TUT.BY, што кіроўца Уладзімір і Карына жылі разам, усюды ездзілі разам, вось і ўчора паехалі ў Калінкавічы. 

— У Вовы быў свой мікрааўтобус і адвезці ў Калінкавічы на ​​рынак і назад яго папрасілі чатыры нашыя зямлячкі, на паліва, напэўна, скінуліся. Карына паехала з імі, можа, на рынку хацела нешта купіць… У іх вельмі добрая сям'я — дружныя, працавітыя, займаюцца нарыхтоўкай ягад — цяжкая праца.

Фота: Следчы камітэт

Тыя, хто ведаў Уладзіміра, здзіўляюцца: як такая жудасная аварыя магла з ім адбыцца? Аўтамабіліст ён быў вельмі акуратны і асцярожны: сачыў за сваім аўто, ездзіў вельмі асцярожна, хуткасць не перавышаў і хвацкія манеўры на дарозе не дапускаў.

— Дарога ў той дзень была дрэнная, а ў яго на мікрааўтобусе стаяла летняя гума. Напэўна, аўто занесла і яно выскачыла на сустрэчную. Ну не мог ён сам туды выязджаць! — мяркуюць людзі.

У аварыі, акрамя Карыны, загінулі Рада, Люба, Анжэла і Віта. Ва ўсіх жанчын засталіся дзеці. Кіроўца да гэтага часу застаецца ў рэанімацыі, яго стан ацэньваецца як вельмі цяжкі

— Для нас самае страшнае наперадзе — пахаванне… З Карынай развітаемся ў пятніцу. Астатніх жанчын пахаваюць таксама на гэтым тыдні.

5
Гота 81-82 / Адказаць
15.11.2018 / 11:49
Ехал бы 50-60 все были бы живы...скорость...
9
Цынік / Адказаць
15.11.2018 / 11:51
Вельмі акуратны і асцярожны кіроўца пашкадаваў грошы на зімовыя колы. Людзі, жлобства часам даводзіць да бяды!
4
Віктар Малочка / Адказаць
15.11.2018 / 12:07
Цынік ,Ну,аб чым Вы,АНАНІМ,пішаце! Вы што не чытаеце крымінальную статыстыку Беларусі:? Там у ДТЗ загінул,там згарэлі,там жонка зарэзала мужа альбо муж жонку,там згарэлі у хаце,там выкінулі дзіцёнка на сетніцу,там дзіцёнак выпаў з вакна....Там... ЛІК ІДЗЕ НА ДЗЕСЯТКІ У СОДНІ.  "АБЫ НЕ БЫЛО ВАЙНЫ" ГЭТА ШТО? Такое адчуванне,што Вы жывяце на Ямайцы,а пішаце пра Беларусь. Можаце не адказваць,проста назавіцеся.....
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру