15.11.2018 / 11:58

Беларускі банк «Гандлёвы капітал» адключылі ад SWIFT праз санкцыі ЗША супраць Ірана 5

Банк «Гандлёвы капітал» паведамляе, што па рашэнні кампаніі «Свіфт» БІК-адрас банка дэактываваны 12 лістапада, перадае «Белрынак».

Кампанія «Свіфт» тлумачыць свой крок тым, што прыпыняе доступ асобных іранскіх банкаў да сістэмы абмену паведамленнямі, каб падтрымаць устойлівасць і цэласнасць глабальнай фінансавай сістэм. А асноўным акцыянерам банка «Гандлёвы капітал» якраз з'яўляецца банк «Тэджарат» (Ісламская Рэспубліка Іран). Яго доля складае 99,89%. 

Справа ў тым, што 5 лістапада 2018 года ўступіла ў сілу другая частка санкцый ЗША ў дачыненні да Ірана. Яна закранае энергетычную галіну Ірана, здзелкі, звязаныя з нафтай, а таксама транзакцыі Цэнтральнага банка Ірана, суднаходства і суднабудаванне.

У Беларускім міжбанкаўскім разліковым цэнтры пацвердзілі, што банк «Гандлёвы капітал» адключаны ад «Свіфта». Банк быў заснаваны ў верасні 2008 года. 

0
777 / Адказаць
15.11.2018 / 14:31
Ха-ха-ха! Гандлюйце па бартару
0
I'm sorry, Dave. I'm afraid I can't do that / Адказаць
15.11.2018 / 15:23
Іншалла. 

ЗЫ Зараз Парытэт запрацуе. 
0
Мікола / Адказаць
16.11.2018 / 06:11
Які гэта беларускі банк, дык ён працуе на маскоўскай мове.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру