15.11.2018 / 15:19

Оксфардскі слоўнік назваў слова года. Пад уплывам справы Скрыпалёў 4

pixabay.com

Оксфардскі слоўнік прызнаў слова «toxic» (з англ. — «атручаны», «напоўнены атрутай», «таксічны») словам 2018 года. Адпаведнае паведамленне размешчана на яго сайце. Менавіта гэты прыметнік, як вырашылі спецыялісты, дадаў шмат нюансаў «духу гэтага года» і патэнцыйна можа стаць «тэрмінам культурнага значэння».

Разам з 45-працэнтным павелічэннем колькасці праглядаў слова «toxic» на сайце Оксфардскага слоўніка за апошні год гэты прыметнік таксама выкарыстоўваўся ў розных кантэкстах як у літаральным, так і ў метафарычным сэнсах, адзначылі эксперты. Так, найбольш часта з вызначэннем «toxic», па іх дадзеных, людзі спалучаюць словы «хімікат», «маскуліннасць», «рэчыва», «газ», «асяроддзе», «адносіны», «культура», «адкіды», «водарасці» і «паветра».

«Згадкі пра таксічныя хімікаты ў гэтым годзе маюць асаблівае значэнне, бо атручванне нервова-паралітычным агентам былога расійскага разведчыка [Сяргея Скрыпаля] і яго дачкі ў Брытаніі ўзрушыла ўвесь свет», — гаворыцца таксама ў паведамленні на сайце Оксфардскага слоўніка

«Пастаянная ўвага міжнароднай супольнасці да гэтай справы, а таксама занепакоенасць з нагоды таго, хто мае доступ да сусветных запасаў таксічных хімікатаў, прывялі да таго, што [слова] «хімікат узначаліла спіс слоў, якія часцей за ўсё ўжываюцца у 2018 годзе разам са словам «таксічны», - растлумачылі складальнікі Оксфардскага слоўніка.

0
так пішуцца артыкулы / Адказаць
15.11.2018 / 16:51
я падумаў, што слова года "шпілі"
2
VNX / Адказаць
15.11.2018 / 17:09
Думаю исходным тут является словосочетание токсичная политика. Кремля.
1
))) / Адказаць
15.11.2018 / 18:53
а в россии уже 2-й год подряд словосочетанием года признается "фекальный сталактит" - ещё тот toxic
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру